ព័ត៌មានទាន់ហេតុការណ៍! T.O.P ត្រូវបានបញ្ជូនចូលពេទ្យសង្រ្គោះបន្ទាន់ភ្លាមៗ

2017-06-06 10:14:51
ចំនួនមតិ 0 | ចំនួនចែករំលែក 0

ចន្លោះមិនឃើញ

វិបសាយព័ត៌មានកូរ៉េ Osenបានចេញព័ត៌មានទាន់ហេតុការណ៍មួយថា T.O.P សមាជិករបស់ BIGBANGដែលកំពុងជាប់ក្ដីក្ដាំរឿងគ្រឿងញៀន បានសន្លប់ កាលពីព្រឹកមិញនេះ (ថ្ងៃទី ០៦ ខែមិថុនា) ហើយត្រូវបានបញ្ជូនទៅមន្ទីរពេទ្យភ្លាមៗ។

ក្រោយមក ប្រហែលម៉ោង ៥ល្ងាច ម៉ោងនៅកូរ៉េ (ប្រហែលម៉ោង ៣រសៀល ក្នុងប្រទេសកម្ពុជា) T.O.P ត្រូវបានបញ្ជូនពីបន្ទប់សង្គ្រោះបន្ទាន់ (ER) មកបន្ទប់សម្រាលព្យាបាលធម្មតាវិញ ប៉ុន្តែលោកមិនទាន់ដឹងខ្លួននៅឡើយទេ។

មិត្តម្នាក់របស់ តារាប្រុសរូបនេះ បាននិយាយថា៖"លទ្ធផលពីការធ្វើតេស្ត មិនទាន់ចេញទេ ប៉ុន្តែខ្ញុំសន្និដ្ឋានថា អាការៈនេះប្រហែលបណ្ដាលមកពីការសេពគ្រឿងញៀនហួសកម្រិត។ គាត់ប្រឈមនឹងស្ថានភាពតឹងតែងដោយសាររឿងដែលទើបកើតឡើងថ្មីៗ ខ្ញុំគិតថាអាការៈស្រ្តេសរបស់គាត់ដល់ចំណុចកំពូលហើយ។ វាកើតឡើងបន្ទាន់ពេក ហើយខ្ញុំសង្ឃឹមថាគាត់នឹងដឹងខ្លួនឆាប់ៗ”។

ចំណែកឯម្ដាយរបស់ លោក និងអ្នកផ្សេងទៀត ក៏កំពុងរង់ចាំលោកដឹងខ្លូនឡើងវិញនៅមន្ទីរពេទ្យដែរ។

គួរបញ្ជាក់ផងដែរថា សមាជិកជំនាញរ៉េបរបស់ BIGBANG រូបនេះ បានជាប់ពាក់ព័ន្ធករណីសេពគ្រឿងញៀនកាលពីពេលថ្មីៗ ហើយរឿងនេះក៏កំពុងក្លាយជាប្រធានបទក្ដៅគគុក លើបណ្ដាញអ៊ីនធឺណិតជាច្រើនជុំវិញពិភពលោកផងដែរ៕

*ចុចអាន៖

-ក្តៅៗ! T.O.P ត្រូវគេបណ្ដេញចេញពីកាតព្វកិច្ចកងទ័ព

-ក្ដៅ! T.O.P សារភាពពីចំនួនដងដែលខ្លួនជក់កញ្ឆា

ប្រភព៖ Soompi ប្រែសម្រួល៖ យី សុធារី