Selena មានពាក្យពេចន៍ល្អៗសម្រាប់ Justin បន្ទាប់ពីការសម្ដែងនៅ Manchester

2017-06-06 23:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Justin Bieber បានចូលរួមសម្ដែងកម្មវិធីប្រគំតន្ត្រី Love benefit នៅ Manchester កាលពីយប់ថ្ងៃអាទិត្យទាំងបាននិយាយទាំងអារម្មណ៍ក្ដុកក្ដួលទាំងទងទៅនឹងជនរងគ្រោះ។

ហើយថ្មីៗនេះអតីតមិត្តស្រីរបស់ Justin Bieber តារាចម្រៀង Selena Gomez បានសរសើរ Justin អំពីពាក្យពេចន៍ដែលគេបាននិយាយដើម្បីផ្ដល់កិត្តិយសដល់ក្រុមគ្រួសារជនរងគ្រោះ ក្នុងហេតុការណ៍បំផ្ទុះគ្រាប់បែកនៅ Manchester។

តារាចម្រៀងវ័យ២៤ឆ្នាំនេះបាននិយាយថាអ្វីដែលអតីតមិត្តប្រុសរបស់នាងបានធ្វើគឺពិតជាល្អខ្លាំងណាស់។ នាងបាននិយាយបែបនេះនៅក្នុងកិច្ចសម្ភាសន៍មួយក្នុងកម្មវិធី “Sirius XM's Mornig Mash Up” នៅទីក្រុង New York។ "ខ្ញុំគិតថាអ្វីដែល Justin បានធ្វើនោះពិតជាអស្ចារ្យ វាគឺជាអំពើដ៏ល្អមួយ"។ នាងបាននិយាយដូច្នេះកាលពីព្រឹកថ្ងៃច័ន្ទ ក្នុងកម្មវិធីនោះ។

Justin បានសម្ដែងបទចម្រៀង "Love Yourself”របស់ខ្លួនជាមួយនឹងហ្គីតា ដើម្បីឧទ្ទិសដល់ជនរងគ្រោះ២២នាក់ដែលបានស្លាប់។ បន្ទាប់ពីច្រៀងចប់ Justin បាននិយាយពាក្យប៉ុន្មានម៉ាត់ដល់ជនរងគ្រោះទាំងអស់និងគ្រួសាររបស់ពួកគេ។ មិនត្រឹមតែប៉ុណ្ណោះ តារារូបនេះថែមទាំងស្រក់ទឹកភ្នែកទៀតផង បន្ទាប់ពីការសម្ដែងនោះ។

ទោះបីជាអ្នកទាំងពីរបានបែកបាក់គ្នាពិតមែន ប៉ុន្ដែគេនៅតែជាមិត្តល្អនឹងគ្នា និងសរសើរគ្នាទៅវិញទៅមកមិនសូវខាន។ ពួកគេបែកបាក់គ្នាកាលពីឆ្នាំ ២០១៤ ដែលពេលនេះ Selena កំពុងតែទាក់ទងនឹងតារាចម្រៀង The Weeknd៕