Rihanna ផុសរូបកំប្លែងមួយសន្លឹកឌឺអ្នកដែលថានាងធាត់ ទទួលការសាទរខ្លាំង!

2017-06-07 08:58:18
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Rihanna បានឆ្លើយតបទៅនឹងសំដីអ្នកប្រើប្រាស់បណ្ដាញអ៊ីនធឺណិតដែលបានឌឺដងឲ្យនាងព្រោះតែការឡើងទម្ងន់របស់ខ្លួន។

រូបដែល Rihanna បានបង្ហោះលើ Instagram

តារាចម្រៀងរូបនេះបានបង្ហោះរូបមួយក្នុងបណ្ដាញសង្គម Instagram កាលពីថ្ងៃច័ន្ទដែលជារូបត្លុកកំប្លែង (Meme) សមបំផុតក្នុងការឆ្លើយតបទៅហ្នឹងពាក្យមិនល្អដែលថានាងធាត់នោះ។ នៅក្នុងនោះគឺមានរូបតារាចម្រៀងរ៉េបម្នាក់ឈ្មោះ Gucci Mane ដែលកាត់ផ្ដាច់គ្នាជាពីរមួយបង្ហាញពីរូបកាលពីឆ្នាំ២០០៧ និងរូបមួយទៀតបង្ហាញពីរូបពេលបច្ចុប្បន្ន។ ក្នុងនោះមានសរសេរអក្សរថា៖ "បើសិនជាអ្នកមិនអាចទ្រាំទ្រនឹង Gucci Mane កាលពីឆ្នាំ ២០០៧ អ្នកមិនអាចទ្រាំទ្រនឹង Gucci Mane ឆ្នាំ២០១៧ នោះទេ"។

រូបថតទាំងនេះហើយ ដែលបណ្តាលឲ្យមានអ្នកថា Rihanna ធាត់ខ្លាំងប្លែក

អ្នកគាំទ្ររបស់ Rihanna រាប់ពាន់អ្នកបានសរសើរ Rihanna សម្រាប់រូបមួយនេះ ដោយបានចូលទៅបញ្ចេញមតិយ៉ាងច្រើនគាំទ្រខាងក្រោមរូបមួយសន្លឹកនោះ។ ក្នុងនោះមានមតិមួយបានសរសេរថា៖ "ល្អណាស់!!! និយាយអីចឹងពិតជាល្អ!”។ ខណៈដែលអ្នកគាំទ្រម្នាក់ទៀតសរសេរថា៖ "អ្នកនឹងនៅតែស្អាតរហូត ខ្ញុំមិនយល់ពីអ្នកទាំងនោះទេ Rihanna អ្នកគឺស្រីដ៏ស្អាតម្នាក់ហើយក៏ជាស្ត្រីដ៏មានឥទ្ធិពលផងដែរ"។

ក្រៅពីនេះក៏មានប្លុកមួយចំនួនរួមបញ្ចូលទាំងវិបសាយកម្សាន្តជាច្រើនទៀតបាន សរសេរសរសើរពី Rihanna ចំពោះភាពក្លាហានរបស់នាង ព្រមទាំងបញ្ចេញប្រយោគថា "តើ Rihanna នឹងធ្វើឲ្យការធាត់ក្លាយជាស្ទីលមួយដែលពេញនិយម?”។

ប្រភព៖ CNN ប្រែសម្រួល៖ ធារ៉ូ