ឃើញរូប OnePlus 5 ផ្លូវការ អ្នកគាំទ្រខ្លះស្រងាកចិត្ត ថាចម្លង Apple

2017-06-09 01:41:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញក្រុមហ៊ុន OnePlus បានបង្ហោះរូបភាពផ្លូវការមួយសន្លឹកនៅលើទំព័រ Facebook និង Twitter ផ្លូវការរបស់ខ្លួន ដែលបង្ហាញពីរូបរាងខាងក្រោមមួយកំណាត់របស់ OnePlus 5។

ក្រោយពីឃើញរូបភាពនេះ អ្នកគាំទ្រមួយចំនួនតូចបានសម្ដែងអារម្មណ៍ខកចិត្តនឹង OnePlus ព្រោះថាស្មាតហ្វូនជំនាន់ថ្មីនេះមានរូបរាងស្រដៀងនឹង iPhone 7 Plus បេះដាក់។ មានអ្នកគាំទ្រខ្លះបញ្ចេញមតិចុកៗថា ៖ «តើស្រោម (case) iPhone 7 Plus អាចត្រូវជាមួយ OnePlus 5 អត់?»។ យ៉ាងណាក្ដីក៏នៅមានអ្នកគាំទ្រភាគច្រើនបានសម្ដែងការពេញចិត្តនឹងរូបរាង OnePlus 5 ហើយទន្ទឹងរង់ចាំដល់ពេលស្មាតហ្វូននេះបង្ហាញខ្លួនជាផ្លូវការទៀតផង។

បកទៅកាន់រូបដែល OnePlus បានបង្ហោះវិញមានសរសេរពាក្យពីរឃ្លាគួរឲ្យចាប់អារម្មណ៍គឺ Dual Camera ដែលបញ្ជាក់ពីប្រព័ន្ធកាមេរ៉ាភ្លោះ និង Clearer Photos ដែលមានន័យថារូបភាពនឹងមានគុណភាពកាន់តែច្បាស់។ OnePlus 5 នឹងបង្ហាញវត្តមានផ្លូវការនៅថ្ងៃទី ២០ ខែមិថុនាខាងមុខ ដោយជឿថានឹងប្រើបន្ទះឈីប Snapdragon 835 និងមានទំហំ RAM ពីរជម្រើស 6 GB និង 8 GB៕

ចុចអាន៖

ប្រភព៖ PhoneArena ប្រែសម្រួល៖ សុខហេង