ប៉ាតង់ថ្មីបង្ហាញថា Facebook ចង់លួចថតរូបអ្នកប្រើដោយសម្ងាត់តាមកាមេរ៉ា

2017-06-09 02:26:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះក្រុមហ៊ុនស៊ើបការណ៍ទីផ្សារ CBInsights បានប្រទះឃើញប៉ាតង់មួយរបស់ Facebook ដែលបង្ហាញពីបំណងចង់លួចថតរូបអ្នកប្រើប្រាស់តាមរយៈកាមេរ៉ាទូរសព្ទ និង កាមេរ៉ាកុំព្យូទ័ររបស់ពួកគេ។

ក្នុងឯកសារប៉ាតង់បានរៀបរាប់ថាបណ្ដាញសង្គមយក្សនេះអាចនឹងប្រើបច្ចេកវិទ្យាអ្វីមួយ (ដូចជាកាមេរ៉ា) ដើម្បីវិភាគមើលការប្រែប្រួលទឹកមុខរបស់អ្នកប្រើប្រាស់នៅពេលដែលពួកគេ Scroll ប៉ះចំ Post ប្រភេទណាមួយ។ ក្រោយមកវានឹងវិភាគលើរូបថតថាអ្នកប្រើប្រាស់មានអារម្មណ៍បែបណា ហើយប្រើព័ត៌មានដែលគេទទួលបាននោះ ដើម្បីធ្វើឲ្យអ្នកប្រើប្រាស់ស្ថិតនៅលើ Facebook ឲ្យកាន់តែយូរ។

រូបភាពក្នុងឯកសារប៉ាតង់

ឧទាហរណ៍ថាប្រសិនបើអ្នកញញឹមនៅពេលអ្នក Scroll ចំរូបភាពមិត្តភក្តិរបស់អ្នក ភ្លាមនោះ ប្រព័ន្ធ Facebook នឹងកំណត់ចំណាំត្រង់ចំណុចនេះ ហើយនឹងបង្ហាញរូបភាពមិត្តភក្តិរបស់អ្នកឲ្យកាន់តែច្រើននៅលើ News Feed។ មិនតែប៉ុណ្ណោះ Facebook អាចនឹងប្រើព័ត៌មានពីអារម្មណ៍របស់អ្នកប្រើប្រាស់ ដើម្បីផ្សាយប្រភេទផ្ទាំងពាណិជ្ជកម្មផ្អែកទៅតាមអារម្មណ៍អ្នកប្រើប្រាស់ ដើម្បីឲ្យគេចាប់អារម្មណ៍ទៀតផង។

យ៉ាងណាមិញអ្នកនាំពាក្យ Facebook បានលើកឡើងថា ៖ "យើងតែងតែស្វែងរកប៉ាតង់សម្រាប់បច្ចេកវិទ្យាដែលយើងមិនធ្លាប់បង្កើតបាន ហើយតាមរយៈប៉ាតង់នេះមិនអាចកំណត់ជាផែនការថ្ងៃអនាគតរបស់យើងបាននោះទេ”។

ត្បិតថា Facebook មិនទាន់មានគម្រោងថានឹងអនុវត្តប៉ាតង់ខាងលើ ប៉ុន្តែគ្មានការធានាថាបណ្ដាញសង្គមយក្សនេះមិនអនុវត្តវានោះទេ។ រំលឹកថាកាលពីឆ្នាំមុនរូបភាពមួយសន្លឹកដែលបង្ហោះដោយ Mark Zuckerberg បង្ហាញថាស្ថាបនិករូបនេះបានយកស្គុតមកបិទបាំងកាមេរ៉ាខាងនៃកុំព្យូទ័ររបស់ខ្លួន និង បិទរន្ធមីក្រូហ្វូនទៀតផង ហើយជាមួយការរកឃើញប៉ាតង់នេះទៀត ធ្វើឲ្យប្រើប្រាស់កាន់តែព្រួយបារម្ភថែមទៀត៕

ប្រភព៖ Independent ប្រែសម្រួល៖ សុខហេង

ពាក្យទាក់ទង

Facebook

អត្ថបទពេញនិយម

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

២០ ឆ្នាំមុន ស្រ្តីបរទេសម្នាក់ ចំណាយប្រាក់១៥០០០ ដុល្លារ ទិញកោះមួយ សព្វថ្ងៃក្លាយជា កោះសង្សារ លំដាប់អភិជន

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas

អត្ថបទថ្មី

Kep Music City «សូរសំឡេងនៃតន្ត្រីនៅទីក្រុងកែប»ប្រារព្ធខួបមួយខែនៃភាពជោគជ័យ៖ ការបង្កើតឆ្ពោះទៅថ្ងៃអនាគតជាទីក្រុងសិល្បៈ តន្ត្រីនិងការតភ្ជាប់សហគមន៍

AirAsia Cambodia បើកសម្ពោធជើងហោះហើរត្រង់ ពីទីក្រុងភ្នំពេញឆ្ពោះទៅកាន់ទីក្រុងហូជីមិញក្នុងតម្លៃសំបុត្រដ៏អស្ចារ្យ ចាប់ពី 74 USD តែប៉ុណ្ណោះ

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas