Xbox ស៊េរីថ្មីខ្លាំងកប់ អាចលេងហ្គេមក្នុងកម្រិត 4K តម្លៃ ៥០០ ដុល្លារ
- 2017-06-12 03:13:26
- ចំនួនមតិ 0 | ចំនួនចែករំលែក 0
Xbox ស៊េរីថ្មីខ្លាំងកប់ អាចលេងហ្គេមក្នុងកម្រិត 4K តម្លៃ ៥០០ ដុល្លារ
ចន្លោះមិនឃើញ
Microsoft បានប្រកាសចេញម៉ាស៊ីនលេងហ្គេមស៊េរីថ្មីជាផ្លូវការ Xbox One X ដែលនឹងចេញលក់ជុំវិញពិភពលោកនៅថ្ងៃទី៧ ខែវិច្ឆិកា ខាងមុខ ក្នុងតម្លៃ ៤៩៩ ដុល្លារ (ទីផ្សារបរទេស)។
ម៉ាស៊ីនថ្មីនេះមានបំពាក់ដោយក្រាហ្វិកល្បឿន ៦ teraflop ខ្លាំងជាង PS4 Pro ដែលជាគូប្រជែងដ៏ខ្លាំងក្លាមានក្រាហ្វិកល្បឿន ៤,២ teraflop ប៉ុណ្ណោះ។ អ្វីដែលជាចំណុចទាក់ទាញខ្លាំងគឺ Xbox One X នេះអាចលេងហ្គេមក្នុងកម្រិតដល់ 4K ឯណោះ ធ្វើឲ្យការលេងហ្គេមកាន់តែត្រជាក់ភ្នែក។
លើសពីនេះក៏មានប្រព័ន្ធបញ្ចុះកម្ដៅដោយចំហាយទឹកនៅពីក្នុង ជាបច្ចេកវិទ្យាដែលប្រើលើបន្ទះក្រាហ្វិកហ្គេមខ្លាំងៗដូចជា GTX 1080 ជាដើម ហើយមានបំពាក់ដោយ RAM GDDR5 ទំហំដល់ ១២ GB និង មានអង្គផ្ទុកទិន្នន័យទំហំ ១ TB។
ហ្គេមដំបូងគេដែលអាចលេងក្នុងកម្រិត 4K និងរត់នៅល្បឿន 60fps ជាមួយ Xbox One X នេះគឺ ហ្គេម Forza Motorsport 7 ជំនាន់ចុងក្រោយដែលនឹងដាក់ឲ្យលេងនៅថ្ងៃទី៣ ខែតុលាខាងមុខ។ ក្រៅពីហ្គេមនេះ Microsoft នៅមានហ្គេមផ្ដាច់មុខចំនួន ២១ ផ្សេងទៀតដែលនឹងមានលើ One X ឆាប់ៗរួមមាន Crackdown 3 និង Sea of Thieves ជាដើម៕
ខាងក្រោមជាការបង្ហាញពីហ្គេម Forza Motorsport 7៖
ចុចអាន៖
ម៉ាស៊ីនកែច្នៃ Pugedon ជួយសំអាតទាំងបរិស្ថាននិងជីវិតសត្វឆ្កែអនាថា
អត្ថន័យ Reaction រូបឥន្ទធនូកំពុងផ្អើលពេញ Facebook អីចឹងសោះ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
