ខ្សែបម្រើ អាហ្វហ្គានីស្ថាន ដែលជួបកម្ពុជាស្អែក Arsenal ក៏ចង់បានដែរ

2017-06-12 11:57:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមការរាយការណ៍ពីភ្នាក់ងាររបស់ Arsenal ឲ្យដឹងថា ក្លឹបមានមូលដ្ឋាននៅអង់គ្លេសមួយនេះកំពុងចាប់អារម្មណ៍ខ្សែបម្រើជម្រើសជាតិ អាហ្វហ្គានីស្ថាន Nadiem Amiri ដែលកីឡាកររូបនេះក៏បានមកចូលរួមលេងតទល់ជាមួយកម្ពុជាស្អែកនេះនៅពហុកីឡដ្ឋានជាតិក្នុងការប្រកួតវគ្គជម្រុះពានរង្វាន់ AFC Asian Cup 2019 ។

ស្ថិតក្នុងវ័យ ២០ ឆ្នាំ Nadiem Amiri បង្ហាញខ្លួនបានចំនួន ៣២លើកឲ្យ Hoffenheim នៅលីគកំពូលអាល្លឺម៉ង់ Bundesliga ដោយរកបាន ២គ្រាប់ និងបញ្ជូនបាល់ឲ្យមិត្តរួមក្រុមទាត់បញ្ចូលទីបាន ៤លើក។ ទម្រង់លេងដ៏ល្អរបស់ខ្សែបម្រើឆ្នើមរូបនេះក៏ត្រូវបានក្លឹប ដែលមានមូលដ្ឋាននៅអង់គ្លេសមានការចាប់អារម្មណ៍។

ប្រភពពីកាសែតរបស់អ៊ីតាលីបញ្ជាក់ថា Arsenal ពិតជាចង់បានខ្សែបម្រើរូបនេះមែន។ ប៉ុន្តែភាពជាក់ស្ដែងរបស់កាំភ្លើងធំក្នុងការទទួលបានខ្សែបម្រើរូបនេះនៅមិនទាន់ប្រាកដ បន្ទាប់ពីមានការប្រជែងទិញរបស់ក្លឹបធំៗពីរនៅអាល្លឺម៉ង់ដូចគ្នាដូចជា RB Leipzig និង Borussia Monchengladbach។

ខ្សែបម្រើឆ្នើមជម្រើសជាតិ អាហ្វហ្គានីស្ថាន Nadiem Amiri នៅសល់កុងត្រាចំនួន ១២ ខែទៀតជាមួយ Hoffenheim ៕

ប្រភព៖ Express ប្រែសម្រួល៖ ស្រី សុវណ្ណដារ៉ា