តួអង្គ "Captain America” ថានឹងសម្ដែងជាតួនេះ២ដងទៀតចុងក្រោយ

2017-06-14 00:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅកិច្ចសម្ភាសន៍មួយរបស់តួអង្គ "Captain America” តារាសម្ដែង Chris Evan ជាមួយនឹងសារព័ត៌មាន The Telegraph គឺលោកប្រហែលជាត្រូវសម្ដែងជាតួអង្គនេះចុងក្រោយនៅក្នុងរឿង "Avenger” វគ្គទី៤ ដែលមិនទាន់មានចំណងជើងនៅឡើយ។

តារាសម្ដែងវ័យ ៣៥ឆ្នាំរូបនេះបានចុះកុងត្រាដើម្បីសម្ដែងជាតួអង្គ "Captain America” ចំនួន៦ដង។ ប៉ុន្តែដោយសាររឿង "Avenger” វគ្គចុងក្រោយត្រូវបំបែកចេញជាពីរគឺ "Avenger: Infinity War” និង "Avenger 4” ដូច្នេះហើយទើបលោកត្រូវចូលរួមសម្ដែងមួយរឿងទៀតដែលជារឿងទី៧។

មូលហេតុដ៏សំខាន់មួយនោះគឺ សាច់រឿង "Avenger” នេះមានតួអង្គថ្មីជាច្រើន ដែលមិនធ្លាប់បង្ហាញខ្លួននៅក្នុងរឿងដូចជា Guardians of the Galaxy, Black Panther, Captain Marvel, Doctor Strange, Ant-Man ជាដើម ជាហេតុធ្វើឲ្យមានការពិបាកក្នុងការណែនាំតួអង្គទាំងនេះ ដោយមិនមានការចូលរួមពីតួអង្គចាស់ៗដូចជា Iron Man និង Captain America។

បើសិនជាកុងត្រាត្រូវបញ្ចប់ត្រឹមនេះ វាគឺជាចំណុចដែលគួរឲ្យចាប់អារម្មណ៍មួយ ថាតើនឹងមានអ្នកជំនួសតំណែងរបស់ "Captain America” ឫអត់? នេះដោយសារតែខ្សែរឿងដ៏ល្បីនេះដកស្រង់ចេញពីរឿងថ្លុកដែល មានតួអង្គដូចជា Winter Soldier និង The Falcon អាចជំនួសតំណែងនេះ។

រឿង “Avenger: Infinity War” នឹងចាប់ដាក់បញ្ចាំងនៅខែមេសាឆ្នាំ ២០១៨៕