គ្រូអាហ្វហ្គានីស្ថាន ថា សំណាងមិននៅខាងខ្លួនទើបចាញ់កម្ពុជាយប់មិញ

2017-06-14 02:18:15
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Otto Martin Pfister គ្រូបង្វឹកក្រុមជម្រើសជាតិ អាហ្វហ្គានីស្ថាន អះអាងថា ការបរាជ័យរបស់ក្រុមខ្លួនក្រោមថ្វីជើងកម្ពុជាកាលពីយប់មិញ ១-០ មកពីគ្មានសំណាង ក្នុងការប្រកួតវគ្គជម្រុះ AFC Asian Cup 2019 នៅពហុកីឡដ្ឋានជាតិ។

លោក Otto Martin Pfister (ស្ដាំ)

គ្រូបង្វឹកសញ្ជាតិអាល្លឺម៉ង់រូបនេះបានឲ្យដឹងថា ពេលខ្លះបាល់ទាត់ក៏ត្រូវការសំណាងមកជាមួយដែរ ទើបអាចទទួលបានលទ្ធផលល្អ។ លោកគិតថា ជំនួបយប់មិញមកពីក្រុមរបស់លោកគ្មានសំណាង ហើយសំណាងមានទៅខាងម្ចាស់ផ្ទះ ទើបក្រុមរបស់លោកត្រូវបរាជ័យដូច្នេះ។

លោកបានបញ្ជាក់ថា អាហ្វហ្គានីស្ថាន មានឱកាសច្រើនមែនទែន ប៉ុន្តែកីឡាកររបស់លោកមិនអាចទាត់បញ្ចូលទីកម្ពុជាបានសម្រេច។ លោកពិតជាមិនសប្បាយចិត្តទាល់តែសោះ ចំពោះការធ្វេសប្រហែសរបស់កូនក្រុមខ្លួន។

ក្រុម អាហ្វហ្គានីស្ថាន ទើបតែរកបាន១ពិន្ទុប៉ុណ្ណោះ នៃប្រកួតសន្សំពិន្ទុក្នុងពូល C ពីរលើកកន្លងមក ដោយប្រកួតទី១ ស្មើក្រុម វៀតណាម ១-១ និងប្រកួតទី២ ចាញ់ក្រុមកម្ពុជានេះ៕