Scott Neeson ប្រើរូបមួយផ្ទាំងកុហកថា កន្លែងរស់នៅដូចឋានសួគ៌ តែពេលរូបរលំទើបដឹងការពិត

2017-06-14 02:29:45
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ស្កុតនីសិន (Scott Neeson) គឺជាស្ថាបនិក នៃអង្គការមូលនិធិកុមារកម្ពុជា ឬ Cambodian Children's Fund (CCF) បានប្រើរូបមួយផ្ទាំងមានទឹកសមុទ្រ និងទេសភាពដ៏ស្រស់ស្អាត ដើម្បីកុហកមិត្តភក្ដិមហាវិទ្យាល័យរបស់លោកតាមវីដេអូ ថាលោកកំពុងរស់នៅកន្លែងមួយដ៏ស្រស់ស្អាតដូចឋានសួគ៌។ តែមិនបានប៉ុន្មាននាទីផ្ទាំងរូបភាពនោះបានរលំទៅវិញ ទើបមិត្តភក្ដិលោកដឹងថា មិនមែនឋានសួគ៌អ្វីនោះទេ កន្លែងដែលលោកកំពុងរស់នៅគឺតំបន់ស្ទឹងមានជ័យ នៃប្រទេសកម្ពុជា។

លោកបានសរសេរបន្ថែមទៀត នៅលើហ្វេសប៊ុកថា ឋានសួគ៌ដ៏ពិតប្រាកដរបស់លោក គឺស្ទឹងមានជ័យនេះហើយ។

រំឭកទៅប្រវត្តិលោកបន្តិច ស្កុតនីសិនបានកើតនៅក្នុងតំបន់មួយនៃប្រទេសស្កុតឡែន ស្ថិតក្នុងចក្រភពអង់គ្លេស ហើយគ្រួសាររបស់លោកបានផ្លាស់ទីទៅរស់នៅប្រទេសអូស្ត្រាលីតាំងពីលោកមានអាយុ៥ឆ្នាំម្ល៉េះ។ ពេលវ័យជំទង់ លោកបានទៅធ្វើការនៅក្រុមហ៊ុនភាពយន្ត រហូតលោកអាចក្លាយខ្លួនជាប្រធានប្រតិបត្តិផ្នែកទីផ្សារនៅក្នុងឧស្សាហកម្មភាពយន្តហូលីវ៉ូដ (20 Century Fox International) ទៀតផង។

អំឡុងឆ្នាំ ២០០៣ គឺជាពេលដែលលោកបានធ្វើដំណើរកម្សាន្តមកកាន់ប្រទេសកម្ពុជា។ លោកបានទៅខេត្តសៀមរាប សារមន្ទីរទួលស្លែង និង តំបន់ទេសចរណ៍សំខាន់ៗមួយចំនួនផងដែរ។ ប៉ុន្តែអ្វីដែលធ្វើឱ្យលោកចងចាំមិនភ្លេច រហូតឈានដល់ការកែប្រែខ្សែជីវិតរបស់លោកទាំងស្រុងនោះគឺ គ្រាហ៍មួយ ដែលលោកបានទៅទីលានចាក់សំរាមនៅតំបន់ស្ទឹងមានជ័យ រាជធានីភ្នំពេញ។ ពេលទៅដល់ទីនោះ លោកមានអារម្មណ៍សង្វេគជាខ្លាំងនៅពេលដែល លោកបានឃើញកុមារតូចៗ និង មនុស្សជាច្រើនរស់នៅទីនោះពោរពេញដោយការលំបាក ខ្វះអនាម័យ និង រស់នៅក្នុងបរិស្ថានដ៏អាក្រក់បំផុត។ ព្រឹត្តិការណ៍នេះបានធ្វើអោយលោកគិតថា លោកត្រូវតែធ្វើអ្វីម្យ៉ាងដើម្បីជួយដល់ពួកគេ។ ហេតុនេះហើយ ទើបនៅឆ្នាំ ២០០៤ លោកបានសម្រេចចិត្តលាឈប់ពីការងារ។ បន្ទាប់មកលោកបានលក់ផ្ទះ លក់រថយន្ត លក់កប៉ាល់ទេសចរណ៍ផ្ទាល់ខ្លួន និង ទ្រព្យសម្បត្តិមួយចំនួនទៀត ដើម្បីយកលុយមកបើកអង្គការមូលនិធិកុមារកម្ពុជា (CCF) ជំនួសវិញ។

បេសកកម្មរបស់លោកគឺធ្វើយ៉ាងណា ដើម្បីឱ្យកុមារទាំងនោះទទួលបានការអប់រំក្នុងកម្រិតមួយខ្ពស់ និង ការជួយដល់គ្រួសារក្រីក្ររបស់ពួកគេឱ្យមានចំណីអាហារបរិភោគ ព្រមទាំងមានកន្លែងស្នាក់នៅសមរម្យទៀតផង។ ជាលទ្ធផល ជាង១៣ឆ្នាំមកនេះ អង្គការរបស់លោកបានជួយដល់កុមារតាំងពី ៤៥ នាក់ដំបូងរហូត កើនឡើងដល់ជាង២០០០នាក់។ លើសពីនេះទៀត អង្គការក៏បានជួយដល់គ្រួសាររបស់ពួកគេផងដែរតាមរយៈការសាងសង់ផ្ទះជាង ៤០០ខ្នង និង ការជួយផ្គត់ផ្គង់អាហារមួយចំនួនផងដែរ។ ហើយគម្រោងថ្មីមួយដែលលោកទើបតែទទួលបានជោគជ័យនោះ គឺការដាក់អោយប្រើប្រាស់នូវសាលារៀន នីសិនគ្រីបអាខាដឺមី សម្រាប់បណ្ដុះបណ្ដាលជំនាញវិទ្យាសាស្ត្រ បច្ចេកវិទ្យា វិស្វកម្ម និង គណិតវិទ្យាដល់កុមារក្រីក្ររស់នៅលើគំនរសំរាមទាំងនោះ៕

អត្ថបទ៖ វឌ្ឍនៈ

ពាក្យទាក់ទង

ព័ត៌មានសង្គម

អត្ថបទពេញនិយម

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ប្រព័ន្ធធារាសាស្រ្តនៅខេត្តចំនួន៥ កំពុងត្រូវបានជួសជុលថែទាំ

អត្ថបទថ្មី

ឥណ្ឌារៀបចំការបោះឆ្នោតដ៏ធំជាងគេក្នុងពិភពលោក ដោយមានម្ចាស់ឆ្នោតក្បែរ ១ពាន់លាននាក់

Pep មិនទាន់សម្រេចអនាគត Joao Cancelo នៅ Man City ទេ

Xavi នឹងបន្តដឹកនាំក្លឹប Barca ១រដូវកាលទៀត

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ