រឿង "Deadpool” ទើបតែជ្រើសរើសតួស្រីជប៉ុន Shioli Kutsuna សម្រាប់វគ្គ២

2017-06-15 04:53:08
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងសញ្ជាតិជប៉ុន Shioli Kutsuna ទើបតែបានត្រូវគេជ្រើសរើសដើម្បីមកសម្ដែងជាតួមួយ នៅក្នុងរឿង Deadpool វគ្គ២ របស់ផលិតកម្ម Fox និង Marvel។

សម្រាប់វគ្គថ្មីនេះ Ryan Reynold និងត្រលប់មកសម្ដែងជាតួអង្គ Hero មាត់ប៉ប៉ាច់ប៉ប៉ោចនេះម្ដងទៀត ខណៈដែលស្ទូឌីយោមិនទាន់ប្រាប់ទេ ថាតើ Kutsuna នឹងសម្ដែងជាតួអង្គមួយណា ប៉ុន្តែគឺជាតួដ៏សំខាន់មួយ។ លោក David Leitch គឺជាអ្នកដឹកនាំរឿងនេះ ដែលមានគម្រោងនឹងដាក់បញ្ចាំងនៅថ្ងៃទី១ខែមិថុនាឆ្នាំ ២០១៨។

អ្នកនាង Kutsuna នឹងចូលរួមសម្ដែងជាមួយលោក Josh Brolin សម្ដែងជាតួ Cable, Zazie Beetz សម្ដែងជាតួ Domino និង Jack Kesy ព្រមទាំងរួមបញ្ចូលនឹងតួអង្គចាស់ៗ Morena Baccarin, Leslie Uggams, Stefan Kapacic សម្ដែងជាតួ Colossus និង Brianna Hildebrand សម្ដែងជាតួ Negasonic Teenage Warhead។

តារាជប៉ុនវ័យ ២៤ឆ្នាំរូបនេះ ធ្លាប់សម្ដែងរឿងផ្សេងៗជាច្រើននៅហូលីវូដរួចមកហើយដូចជារឿង “Oh Lucy!” សម្ដែងជាមួយតារាល្បីលោក Josh Hartnett ដែលបានសម្ពោធនៅ Cannes Film Festival។នាងក៏បានសម្ដែងនៅក្នុងរឿង "The Outsider” ជាមួយតារាសម្ដែង Jare Leto ដែលជាតារាល្បីឈ្មោះម្នាក់ធ្លាប់ឈ្នះពានអូស្ការទៀតផង៕