កីឡាករអាស៊ី ៥រូបបង្ហាញទម្រង់លេងល្អជាងគេនៅអឺរ៉ុប រដូវកាល ២០១៦-១៧
- 2017-06-15 23:00:00
- ចំនួនមតិ 0 | ចំនួនចែករំលែក 0
កីឡាករអាស៊ី ៥រូបបង្ហាញទម្រង់លេងល្អជាងគេនៅអឺរ៉ុប រដូវកាល ២០១៦-១៧
ចន្លោះមិនឃើញ
បច្ចុប្បន្នកីឡាករក្នុងតំបន់អាស៊ីជាច្រើនបានទៅប្រកបអាជីពបាល់ទាត់នៅក្នុងតំបន់អឺរ៉ុប។ ភាគច្រើនពួកគេទៅលេងនៅលីគលំដាប់ទី២នៅអឺរ៉ុប ឬលីគកំពូលដែលមិនសូវលេចធ្លោដូចជានៅប្រទេសប៉ូឡូញ ក្រិកនិងអូទ្រីសជាដើម។
យ៉ាងនេះក្ដី គេហទំព័រ Football Tribe បានបង្ហាញចំណាត់ថ្នាក់កីឡាករអាស៊ី៥នាក់ ដែលកម្រិតលេចធ្លោខ្លាំងក្នុងតំបន់អឺរ៉ុបដែលកំពុងលេងក្នុងលីគទី១ក្នុងប្រទេស អង់គ្លេស អេស្ប៉ាញ អាល្លឺម៉ង់ បារាំង អ៊ីតាលី។ មើលទាំងអស់គ្នា តើមានកីឡាករណាខ្លះ?
៥. Hiroki Sakai
ខ្សែការពារជប៉ុនរូបនេះបានចូលរួមជាមួយក្រុម Marseille ក្នុងលីគបារាំងនៅរដូវកាល២០១៦-១៧ ក្រោយផ្ទេរពីក្រុម Hannover 96 ដោយរូបគេបានជាប់ជម្រើសដំបូងរហូត។ បង្ហាញខ្លួនបាន៣៥ប្រកួតSakai បានជួយក្រុមឈរលេខ៥នៅ ligue 1។ តាមការចាត់ថ្នាក់ Sakai ទទួលបាន៧,១៣/១០។
៤. Maya Yoshida
កីឡាករវ័យ២៨ឆ្នាំសញ្ជាតិជប៉ុនរូបនេះបានបង្ហាញខ្លួនឲ្យក្រុម Southampton ស្ទើរគ្រប់ប្រកួត បូករួមទាំងក្នុង EPL។ រកបាន១គ្រាប់ ក្នុងការបង្ហាញខ្លួន២៩ប្រកួត Yoshida មានការចាត់ថ្នាក់ខ្ពស់៧/១០។
៣. Shinji Kagawa
ខ្សែបម្រើប្រយុទ្ធវ័យ២៨ឆ្នាំបានក្លាយជាកីឡាករមានប្រជាប្រិយមកទៀត បន្ទាប់ពីត្រលប់មក Borussia Dortmund វិញ។ បង្ហាញខ្លួន១៣ប្រកួត គេបានបញ្ជូនគ្រាប់បាល់ឲ្យមិត្តរួមក្រុមទាត់បញ្ចូលទីបាន៦គ្រាប់ ត្រូវបានគេចាត់ថ្នាក់ចំនួន៧,១២/១០។ រដូវកាលនេះ Kagawa ជួយក្រុមពណ៌លឿងមួយនេះបានលេខ៣ មានកៅអីលេង Champions League នៅរដូវកាលក្រោយ។
២. Vitali Denisov
នេះជាលើកដំបូង ដែល Denisov មានឈ្មោះក្នុងបញ្ជីកីឡាករល្អរបស់ Football Tribe។ កីឡាករវ័យ៣០ឆ្នាំ សញ្ជាតិអ៊ូបេគីស្ថាននេះកំពុងលេងឲ្យក្រុមក្នុងប្រទេសរុស្សី Lokomotiv Moscow។ ព្រោះតែកម្រិតសមត្ថភាពខ្ពស់ និងជួយក្រុមលេងនៅ Champions League នៅរដូវកាលក្រោយ គេបានចាត់ថ្នាក់ចំនួន៧,៣១/១០។
១.Alireza Jahanbakhsh
កីឡាករវ័យ២៣ឆ្នាំបានបង្ហាញទម្រង់លេងយ៉ាងលេចធ្លោក្នុងក្រុម AZ Alkmaar ក្នុងប្រទេសហូឡង់។ Jahanbakhshលេងបាន២៦ប្រកួត ទាត់បញ្ចូលទី១១គ្រាប់ ជាមួយនឹងការ Assist ៨ គ្រាប់និងជួយ AZ Alkmaar បានលេខ៦ក្នុងលីគ មានតំណែងលេងជម្រុះពាន Europa League។ ក្នុងចំណោមកីឡាករអាស៊ីទាំងអស់គេមានចំនួនចាត់ថ្នាក់ខ្ពស់ជាងគេ៧,៣១/១០៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
