មុខងារសន្សំសំចៃទិន្នន័យលើ iOS 11 អស់ព្រួយអ្នកប្រើ iPhone ទំហំ 16GB

2017-06-16 02:04:02
ចំនួនមតិ 0 | ចំនួនចែករំលែក 0

ចន្លោះមិនឃើញ

នាព្រឹត្តិការណ៍ WWDC 2017 របស់ក្រុមហ៊ុន Apple កាលពីពេលកន្លងទៅ មានមុខងារពិសេសៗជាច្រើនដែលបានប្រកាសបង្ហាញ។ សម្រាប់មុខងារសំខាន់មួយនៅលើ iOS 11 ដែល Sabay ចង់ណែនាំអ្នកទាំងអស់គ្នា ទាក់ទងទៅនឹងឯកសាររូបភាពថ្មី ទម្រង់ HEVC និង HEIF ដែលវាអាចសន្សំសំចៃដល់ទៅ ៥០ ភាគរយនៃទំហំផ្ទុករបស់រូបភាពដែលបានថត ហើយគុណភាពរូបនៅរក្សាដដែល។

យ៉ាងណាមិញមុខងារថ្មីនេះត្រូវបានគេរាយការណ៍ អាចគាំទ្រលើឧបករណ៍ iOS ដែលបំពាក់ឈីប A9 ឡើងទៅ ដែលនេះជាដំណឹងល្អសម្រាប់អ្នកប្រើ iPhone 6s ឡើង ហើយមានអង្គផ្ទុកតូច 16GB ប៉ុន្តែជាដំណឹងធម្មតាសម្រាប់អ្នកប្រើ iPhone 5s/6 និង 6 Plus ។

កត្តាដែលជំរុញឱ្យ Apple ប្ដូរទម្រង់ឯកសារពី h.264 មកជា HEVC និង HEIF ព្រោះដើម្បីត្រៀមខ្លួនទុកជាមុននូវបញ្ហាសម្រាប់ iPhone 8 ដែលមានបំពាក់កាមេរ៉ាភ្លោះ ខណៈទំហំរូបភាពដែលថតចេញនឹងកាត់អង្គផ្ទុកច្រើន។ ប្រភេទឯកសារ HEVC ត្រូវបានគេដាក់ឱ្យប្រើប្រាស់ជាសាធារណៈនាឆ្នាំ ២០១៥ ហើយវាអាចអនុញ្ញាតឱ្យអ្នកប្រើប្រាស់អាចទទួលបានគុណភាពរូបភាពខ្ពស់ ប៉ុន្តែកាត់បន្ថយទំហំផ្ទុកនៃរូបភាព។

បន្តចុចអាន៖

ប្រភព៖ ibtimes ប្រែសម្រួល៖ កៅ រក្សា