Ronaldo ចង់ចាកចេញពីអេស្ប៉ាញ ក្រោយមានបញ្ហារឿងពន្ធមិនចេះចប់
- 2017-06-16 07:14:48
- ចំនួនមតិ 0 | ចំនួនចែករំលែក 0
Ronaldo ចង់ចាកចេញពីអេស្ប៉ាញ ក្រោយមានបញ្ហារឿងពន្ធមិនចេះចប់
ចន្លោះមិនឃើញ
កីឡាករ Cristiano Ronaldo ចង់ចាកចេញពីប្រទេសអេស្ប៉ាញ ហើយក៏មិនចង់ត្រលប់មកជាន់ទីនេះវិញដែរ ក្រោយពីមានបញ្ហារឿងបង់ពន្ធរបស់ខ្លួន ដែលកីឡាកររូបនេះធ្លាប់បញ្ជាក់ថាមិនខុសច្បាប់ច្រើនដងមកហើយនោះ។
កាសែតនៅព័រទុយហ្គាល់ចុះផ្សាយនៅថ្ងៃនេះថា Ronaldo បានប្រាប់ទៅប្រធានក្លឹប Real Madrid លោក Florentino Perez រួចរាល់ហើយចំពោះការចង់ចាកចេញនេះ។ ដោយឡែកចំពោះមូលហេតុវិញ មិនមែនមកពីអ្នកគាំទ្រឬក្លឹប Real Madrid នោះទេ ប៉ុន្តែវាកើតឡើងដោយសារតែម្ចាស់ពាន Ballon dÓr ៤សម័យធុញជាមួយរឿងបង់ពន្ធ ដែលតុលាការតែងចោទប្រកាន់រូបគេជាញឹកញាប់។
ខណៈដែលប៉ុន្មានថ្ងៃមុននេះ មានរឿងគេចពន្ធនេះកើតឡើងទៀត ដោយរាជអាជ្ញាប្រទេសអេស្ប៉ាញចោទប្រកាន់រូបគេពីបទគេចពន្ធចំនួន១៣លានផោន។ ស្របពេលដែលសាមីខ្លួន ធ្លាប់បានបង្ហោះពីសៀវភៅធនាគារនិងប្រាក់សុទ្ធតែខ្លួនរកបានហើយក៏ដោយ។
ដោយការចង់ចាកចេញនេះ ជាពន្លឺនៃក្ដីសង្ឃឹមមួយសម្រាប់ក្រុមផ្សេងៗដូចជា PSG និង Manchester United ជាដើម ក្នុងការនាំយកខ្សែប្រយុទ្ធកំពូលរូបនេះទៅលេងឱ្យ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
