តោះ ទៅមើលទេសភាពស្អាតៗនៅកូរ៉េខាងជើង ដែលគ្រប់គ្នានឹកស្មានមិនដល់

2017-06-16 08:36:01
ចំនួនមតិ 0 | ចំនួនចែករំលែក 0

ចន្លោះមិនឃើញ

កូរ៉េខាងជើងត្រូវបានគេចាត់ទុកជាប្រទេសឯកាមួយ និងមានច្បាប់បំបិទសេរីភាពប្រជាជនជាច្រើន។ ច្បាប់ដ៏តឹងតែងបែបនេះ បានធ្វើឲ្យប្រជាជនមួយចំនួនព្យាយាមចាកចេញពីប្រទេសកំណើត ហើយខ្លះហ៊ានស្លាប់ ប្រសិនបើគេចាប់បញ្ជូនទៅកូរ៉េខាងជើងវិញ។

កូរ៉េខាងជើង ក៏ជាប្រទេសមានចំណាត់ថ្នាក់ពុករលួយខ្លាំងបំផុតមួយក្នុងលោក និងប្រជាជនរស់នៅតាមជនបទក្រីក្រច្រើនដែរ។

ខណៈភាពតានតឹងរវាងប្រទេសកូរ៉េខាងជើង និងសហរដ្ឋអាមេរិកនៅតែកើតមាន អ្នកថតរូបជនជាតិម៉ាឡេស៊ីលោក Reuben Teo អាយុ ៣១ឆ្នាំ បានព្យាយាមចូលទៅផ្ដិតទិដ្ឋភាពស្អាតៗដែលគ្រប់គ្នាកម្របានឃើញ។ អ្នកថតរូប រូបនេះបានរៀបរាប់ថា ប្រជាជនកូរ៉េខាងជើង មើលទៅហាក់មិនអើពើនឹងកើតមានសង្គ្រាមឡើយ ព្រោះគាត់ឃើញអ្នករស់នៅក្រុងព្យុងយ៉ាង បើករបររកស៊ីប្រចាំថ្ងៃធម្មតាដូចមិនមានអ្វីកើតឡើង។

ឯតាមស្ថានីយរថភ្លើង និងទីប្រជុំជនផ្សេងទៀតមានការសម្ដែងសិល្បៈក្នុងទម្រង់ផ្សេងៗដោយមានអ្នកទេសនាជាច្រើន។ លោកសង្ឃឹមថា រូបថតប៉ុន្មានសន្លឹកនេះ នឹងជួយទាក់ទាញទេសចរទៅទស្សនាកូរ៉េខាងជើងបន្ថែមទៀត ព្រោះតែទេសភាព ស្រស់ស្អាត អនាម័យ ដងផ្លូវមានរបៀបរៀបរយ។ បើនិយាយពីសំណង់អគារវិញ កូរ៉េខាងជើងក៏ចូលចិត្តសង់អគារប្លែកៗ ខ្ពស់ៗ មិនចាញ់ប្រទេសអភិវឌ្ឍជឿនលឿនឡើយ។ សូមទស្សនាបណ្ដុំរូបភាពខាងក្រោម ពិតជាធ្វើឲ្យលោកអ្នកស្មានមិនដល់៖