គីម ជុងអ៊ុន ខ្លាចអាមេរិកលបធ្វើឃាតដល់ថ្នាក់ប្តូររថយន្តញឹកញាប់ និងធ្វើដំណើរតាំងពីព្រឹកទៀបភ្លឺ
- 2017-06-17 03:57:24
- ចំនួនមតិ 0 | ចំនួនចែករំលែក 0
គីម ជុងអ៊ុន ខ្លាចអាមេរិកលបធ្វើឃាតដល់ថ្នាក់ប្តូររថយន្តញឹកញាប់ និងធ្វើដំណើរតាំងពីព្រឹកទៀបភ្លឺ
ចន្លោះមិនឃើញ
មេដឹកនាំផ្តាច់ការកូរ៉េខាងជើង គីម ជុងអ៊ុន មានការភិតភ័យជាខ្លាំងអំពីផែនការធ្វើឃាត រហូតដល់ថ្នាក់ គាត់ធ្វើដំណើរតាំងពីព្រឹកព្រហាម និង ប្តូររថយន្តញឹកញាប់ដើម្បីបញ្ឆោតសត្រូវ។ នេះបើតាមទីភ្នាក់ងារស៊ើបអង្កេតរបស់កូរ៉េខាងត្បូងលាតត្រដាងដូច្នេះ។
ក្រុមមន្ត្រីទីភ្នាក់ងារស៊ើបអង្កេតជាតិ (NIS) របស់កូរ៉េខាងត្បូងនិយាយថា គីម ជុងអ៊ុន ខ្លាចការវាយប្រហារដោយកាំភ្លើងមកលើរថយន្តរបស់គាត់ និងការវាយប្រហារតាមជើងអាកាស។
NIS ចែកចាយដំណឹងនេះនៅសម័យប្រជុំរឹតត្បិតមួយរបស់សភាជាតិកូរ៉េខាងត្បូងកាលពីថ្ងៃព្រហស្បតិ៍ ទី១៥ មិថុនា។ នេះបើតាមកាសែត The Korea Herald។
ការព្រួយបារម្ភអំពីការធ្វើឃាតរបស់គីម ជុងអ៊ុន កើនឡើងខ្លាំង ចាប់តាំងពីកូរ៉េខាងត្បូង និង អាមេរិក បង្កើតអង្គភាពកងកម្លាំងពិសេស ដែលអាចសម្លាប់មេដឹកនាំកូរ៉េខាងជើងយ៉ាងលឿន ប្រសិនបើសង្គ្រាមផ្ទុះឡើង។
អង្គភាពពិសេសរបស់កងទ័ពជើងគោកនិងជើងទឹកអាមេរិកបានចូលរួមជាមួយកងកម្លាំងពិសេសរបស់កូរ៉េខាងត្បូង កាលពីខែមីនា សម្រាប់សមយុទ្ធ ដែលអាមេរិកអះអាងថា គឺការហ្វឹកហ្វឺនសម្រាប់ "ប្រតិបត្តិការកាត់ក្បាល" ដើម្បីកម្ចាត់មេដឹកនាំកូរ៉េខាងជើងឱ្យអស់៕
ប្រភព៖ rasmeinews