សើចចុកពោះតាំងពីដើមដល់ចប់ជាមួយរឿងថ្មីរបស់ The Rock

2017-06-17 04:30:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្នាដៃថ្មីមួយទៀតហើយរបស់ The Rock ដែលទើបតែដាក់បញ្ចាំងជាផ្លូវការនៅលើរោងភាពយន្តគឺរឿង "BAYWATCH” ដែលជាភាពយន្តបែបកំប្លែងសើចចុកពោះតាំងពីដើមដល់ចប់។

រឿង "BAYWATCH” គឺនិយាយអំពីក្រុមការពារអាយុជីវិត១ក្រុមដែលតែងតែរក្សាសុវត្ថិភាពអ្នកដែលមកកម្សាន្តនៅឆ្នេរសមុទ្រពួកគេគឺជាឆ្មាំដែលសកម្មបំផុតប្រចាំទីនោះ ក្រោយមកក៏មានជើងឯកមេដាយមាសខាងហែលទឹកបានចូលរួមជាមួយកងឆ្មាំពិសេសដែរតែដោយសារភាពអំនួតរបស់គេខ្លាំងពេកធ្វើឲ្យឆ្នេរមានភាពរញ៉េរញ៉ៃខ្លាំងជាងមុនទៀត។

ភាពយន្តនេះវិញគឺពោរពេញទៅដោយភាពកំប្លុកកំប្លែងនេះចូលរួមដោយតារាល្បីៗដូចជាលោក Dwayne Jonhson ដែលគ្រប់គ្នាស្គាល់គាត់តាមរយៈឈ្មោះ The Rock ដើរតួជា Mitch Buchannon និងតារាប្រុសរូបសង្ហា Zac Efron ដើរតួជា Matt Brody ជាមួយកងឆ្មាំសមុទ្រនារីស្អាតៗជាច្រើនទៀត។

កុំភ្លេចចុងសប្ដាហ៍នេះទៅលេងឆ្នេរ "BAYWATCH” ទាំងអស់គ្នា ប៉ុន្តែឆ្នេរដែលមានសុទ្ធតែប្រុសស្អាតស្រីស្អាតនេះគឺសម្រាប់តែអ្នកមានអាយុចាប់ពី ១៨ឆ្នាំឡើងទៅប៉ុណ្ណោះ៕