បច្ចុប្បន្ន​ការ​វិវត្ត​នៃ​មុខងារ​កាមេរ៉ា​ភ្លោះ​ ​លើ​ស្មាតហ្វូន​ត្រូវ​បាន​ទទួល​ការ​ចាប់​អារម្មណ៍​ខ្លាំង​ពី​អ្នក​ប្រើប្រាស់​ជុំវិញ​ពិភពលោក។ អ្នក​ខ្លះ​ស្គាល់​កាមេរ៉ា​ភ្លោះ​ ​តាម​រយៈ​ស្មាតហ្វូន​ ​iPhone 7 Plus ហើយ​ក៏​គិត​ក្នុង​ចិត្ត​ថា​វា​ ​ជា​ស្មាតហ្វូន​ដំបូង​ដែល​មាន​កាមេរ៉ា​​ក្រោយ​ពីរ​គ្រាប់។

ការ​គិត​បែប​នោះ​គឺ​ខុស​ទាំង​ស្រុង​ ​ចំពោះ​ស្មាតហ្វូន​ដែល​បាន​ភ្ជាប់​កាមេរ៉ា​ភ្លោះ​ខាង​ក្រោយ​មក​មុន​គេ​បង្អស់​គឺ​ម៉ូដែល​ ​HTC Evo 3D​ ​ដែល​បង្ហាញ​ខ្លួន​នា​អំឡុង​ត្រីមាស​ទី ១​ ​ឆ្នាំ ២០១១​ ​គាប់​ជួន​នឹង​ ​LG បាន​ដាក់​បង្ហាញ​ម៉ូដែល​ ​Optimus 3D Max P720​ ​នា​ឆ្នាំ​បន្ទាប់​ ​២០១២​ ​ក្នុង​ខែ​កុម្ភៈ​ ​ដែល​ជា​ស្មាតហ្វូន​កាមេរ៉ា​ភ្លោះ​ដូច​គ្នា។

យ៉ាងណាមិញ​ ​HTC​ ​នៅ​តែ​បន្ត​រក្សា​ការ​បំពាក់​កាមេរ៉ា​ភ្លោះ​នៅ​លើ​ម៉ូដែល​ក្រោយ​ ​One M8​ ​បង្ហាញ​ខ្លួន​នា​​ខែ​មិនា​ ​ឆ្នាំ ២០១៤​ ​មុន​ការ​បង្ហាញ​ខ្លួន​របស់​ ​iPhone 7 Plus​ ​ដល់​ទៅ​ជាង​ ​២​ ​ឆ្នាំ​កន្លះ​ឯ​ណោះ។ កាមេរ៉ា​ក្រោយ​ភ្លោះ​របស់​ ​M8​ ​មាន​ទំហំ​ ​4MP​ ​ដែល​មាន​ ​Aperture f/2.0​ ​ទំហំ​ ​២៧មម​ ​បន្ថែម​នឹង​គ្រាប់​ Flash Dual LED​ ​មក​ជាមួយ។ កាល​ចេញ​លក់​ដំបូង​ ​M8​ ​មាន​តម្លៃ​ប្រហែល​ ​៦១៥​ ​ដុល្លារ៕

ចុចអានបន្ត ៖

• ៥ ហេតុផល​ដែល​អ្នក​មិន​គួរ​ Update ទៅ​ iOS 11 ទាល់​តែ​សោះ​!
• ទៅ​រួច​អត់​បើ ៣ ឆ្នាំ ប្តូរ​ស៊េរី iPhone ម្តង?

ប្រភព៖ Ubergizmo   អត្ថបទ ៖ កៅ រក្សា