ភ្ញាក់ផ្អើលស្ងាត់ៗ នីឡា ក្លាយជាកូនថៅកែកសិកម្ម

2017-06-20 01:58:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារឿងមួយដែលគួរឲ្យភ្ញាក់ផ្អើលដែលផលិតករល្បីឈ្មោះប្រចាំទូរទស្សន៍CTN លោក តាវ៉ិចទ័រ ត្រូវជាឪពុក នីឡា បានវិវត្តន៍ខ្លួនក្លាយជាថៅកែ លើមុខជំនួញកសិកម្មនៅ ខេត្តកំពត បន្ថែមពី លើការងារសិល្បៈ។

តាវ៉ិចទ័រ បានថ្លែងប្រាប់ Sabay ថាក្រៅពីការងារសិល្បៈ មុខរបរមួយទៀតដែលលោកចូលចិត្តនោះគឺមុខរបរកសិកម្ម ព្រោះមុខរបរមួយនេះ អាចជួយឲ្យក្រុមគ្រួសាររស់ស្រួល ហើយមិនមានការព្រួយបារម្ភក្រោយពេលបោះទុន។

លោកតែងតែ ស្វែងយល់ពីរបៀបដាំដុះបន្លែ និងចិញ្ចឹមត្រី តាមបច្ចេកវិទ្យានៅលើអ៊ីនធឺណិតបន្ទាប់ពីទំនេរពីការងារសិល្បៈ និងរៀនបន្ថែមខ្លះៗពីអ្នកដែលមានបទពិសោធន៍ច្រើនឆ្នាំ មិនបានទៅសិក្សារៀនសូត្រពីសាលាណាមួយជាក់លាក់នោះទេ។

“ខ្ញុំបានបើកមុខជំនួញចិញ្ចឹមត្រីនេះរយៈពេល២ឆ្នាំមកហើយ នៅក្នុងភូមសំរោង ឃុំសំរោងក្រោម ស្រុកបន្ទាយមាស ខេត្ត កំពត ដែលជាស្រុកកំណើតរបស់ខ្ញុំតែម្ដង ខ្ញុំមានស្រះ២ ដោយក្នុង១ស្រះមានត្រី២ម៉ឺនក្បាលសម្រាប់ស្រង់លក់មួយរដូវៗ"។ នេះបើតាមឪពុក នីឡា បានមានប្រសាសន៍។

ចុចអាន៖ព័ត៌មានជុំវិញ នីឡា

ចុចអាន៖នីកូ ច្រៀងបទ ជប៉ុន ឡើងអេមតែម្ដង! (វីដេអូ)

តាវ៉ិចទ័រ បញ្ជាក់ថាក្នុងមួយរដូវ លោកអាចទទួលបានប្រាក់៥ ពាន់ដុល្លារពីការលក់ត្រី មិនខ្វាយខ្វល់ពីរឿងអត់មានឈ្មួញទិញនោះទេ។ ដោយសារតែត្រីដែលលោកចិញ្ចឹមមានបច្ចេកវិទ្យាត្រឹមត្រូវមិនប្រើប្រាស់ជាតិគីមី។

“ខ្ញុំគ្រោងនឹងបោះទុនចិញ្ចឹមមាន់បន្ថែមទៀតក្នុងពេលឆាប់ៗនេះ បន្ទាប់ពីខ្ញុំបានសិក្សាឃើញថា មុខជំនួញមួយនេះក៏ល្អមិនខុសពីត្រីប៉ុន្មានដែរឲ្យតែមានវិធីសាស្ត្រថែទាំច្បាស់លាស់កុំឲ្យមានជំងឺ"។ លោក ថ្លែងបញ្ជាក់៕

អត្ថបទ៖ ឆុង ស៊ីណាន