ថ្លៃដើមផលិត iPhone 7 និង Galaxy S8 មួយគ្រឿងៗមិនធម្មតា

2017-06-21 01:45:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទ iPhone 7 និង Galaxy S8 សុទ្ធសឹងតែជាកំពូលស្មាតហ្វូន មានអ្នកប្រើប្រាស់ច្រើនក្នុងពិភពលោក។ តើអ្នកធ្លាប់ដឹងទេ ថ្លៃដើមផលិតទូរសព្ទទាំងនោះមួយគ្រឿងៗ ក្រុមហ៊ុនត្រូវចំណាយអស់ប៉ុន្មាន?

+ថ្លៃដើមផលិត iPhone 7:

យោងតាមរបាយការណ៍ចេញពី IHS Markit បានបង្ហើបថា iPhone 7 ក្នុងមួយគ្រឿង Apple ត្រូវចំណាយថ្លៃផលិតអស់ ២១៩,៨០ ដុល្លារ គិតទាំងតម្លៃពលកម្ម ៥ ដុល្លារក្នុងមួយគ្រឿងទៀត ដើម្បីបាន iPhone 7 ទំហំ 32GB មួយគ្រឿង ថ្លៃចំណាយសរុបគឺ ២២៤,៨០ ដុល្លារ។ ចំណាយនេះក្រុមហ៊ុនផ្ទាល់បានបញ្ជាក់មានការកើនឡើង ៣៦,៨៩ ដុល្លារធៀបទៅនឹង iPhone 6s បង្ហាញខ្លួនឆ្នាំ ២០១៥ ចំណាយត្រឹម ១៨៧,៨១ ដុល្លារប៉ុណ្ណោះ។

រំលឹកថា iPhone 7 នាពេលបច្ចុប្បន្ន Apple លក់ក្នុងតម្លៃ ៦៤៩ ដុល្លារ ម្ល៉ោះហើយបើយើងលើកជាតួលេខចំណេញគឺចូលជាង ១៨៩ ភាគរយនៃថ្លៃដើម។ (បញ្ជាក់: មិនទាន់បូកបញ្ចូលថ្លៃពន្ធនិងដឹកជញ្ជូនតាមបណ្ដាទីផ្សារប្រទេសផ្សេងៗ)

+ថ្លៃដើមផលិត Galaxy S8:

ប្រភពចេញ IHS Markit ដូចគ្នា សម្រាប់ S8 ក្រុមហ៊ុន SAMSUNG អាចចំណាយខ្ទង់ ៣០១,៦០ ដុល្លារ បន្ថែមទាំងថ្លៃពលកម្មផលិតក្នុងមួយគ្រឿង ៥,៩០ ដុល្លារទៀត។ ចំណាយនេះខ្ពស់ជាងម៉ូដែល S7 ដល់ទៅ ៤៣,៣៤ ដុល្លារ ប៉ុន្តែតម្លៃលក់ចេញរបស់ S8 ក៏កើនឡើងខ្ពស់ដូចគ្នា ប្រហែល ៧២០ ដុល្លារ (ក្នុងទីផ្សារទូទៅ) ខុសពីជំនាន់ត្រកូល S រាល់ដងត្រឹមតែ ៦៥០ ដុល្លារ។ (បញ្ជាក់: មិនទាន់បូកបញ្ចូលថ្លៃពន្ធនិងដឹកជញ្ជូនតាមបណ្ដាទីផ្សារប្រទេសផ្សេងៗ)

ចុចអានបន្ត

ប្រភព៖ thenextweb | thestreet ប្រែសម្រួល៖ កៅ រក្សា