ក្រុមសកម្មប្រយុទ្ធមានទំនាក់ទំនងជាមួយពួកអាយស៊ីស សម្រុកចូលទីក្រុងមួយទៀតនៅហ្វីលីពីន

2017-06-21 08:36:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពួកឧទ្ទាមមូស្លីមរាប់រយនាក់បានឆ្មក់ចូលទីក្រុងមួយនៅហ្វីលីពីនភាគខាងត្បូង កាលពីព្រឹកថ្ងៃពុធ ទី២១ មិថុនា ក្នុងអ្វីដែលមន្ត្រីសន្តិសុខច្រានចោលថាជា "សកម្មភាពឱកាសនិយម" ប៉ុណ្ណោះ។

របាយការណ៍មុននេះនិយាយថា ខ្មាន់កាំភ្លើងប្រហែល ៣០០ នាក់មកពីក្រុមអ្នកប្រយុទ្ធដើម្បីសេរីភាពអ៊ីស្លាមបាងសាម៉ូរ៉ូ (BIFF) ជាក្រុមមួយមានទំនាក់ទំនងជាមួយពួកផ្តាច់ខ្លួនជ្រុលនិយម។

ពួកអាយស៊ីសបានលុកលុយចូលភូមិម៉ាឡាហ្គាគីត ក្នុងទីក្រុងភីកខាវ៉ាយ៉ាន ខេត្តកូតាបាតូខាងជើង តាំងពីព្រឹកព្រហាម។ ពួកវាបានឆ្មក់វាយប្រហារប៉ុស្តិ៍យាមរបស់យោធា និង ក្រោយមកឆ្មក់កាន់កាប់សាលារៀនមួយខ្នង។

ភូមិម៉ាឡាហ្គាគីត មានចម្ងាយ ១៩០ គីឡូម៉ែត្រពីភាគខាងត្បូងក្រុងម៉ារ៉ាវី ជាកន្លែងដែលកងទ័ពរដ្ឋាភិបាល និង ក្រុមជ្រុលនិយមមួយទៀត កំពុងប្រយុទ្ធគ្នា អស់ ៥ សប្តាហ៍មកហើយ។

លោកឧត្តមសេនីយ៍ត្រី រីស្ទីទូតូ ផាឌីលឡា អ្នកនាំពាក្យយោធា ក្រោយមកបានប្រាប់អ្នកកាសែតនៅថ្ងៃត្រង់នេះថា "ស្ថានការត្រូវបានដោះស្រាយរួចហើយ...។ សត្រូវបានដកថយអស់ហើយ។ ពួកវាព្យាយាមចូលក្នុងភូមិ ហើយបរាជ័យ។ ពួកវាលែងនៅទីនោះទៀតហើយ។ សាលាក៏ត្រូវបានធានាសុវត្ថិភាពដែរ"។

លោកបាននិយាយនៅសន្និសីទកាសែតថា "អ្វីដែលពួក BIFF ធ្វើគឺជាសកម្មភាពឱកាសនិយម...។ ពួកវាបានឆ្លៀតឱកាសលើស្ថានភាព នៅកន្លែងដែលយើងមានប៉ុស្តិ៍យាមធូររលុង ហើយពួកវាស្មានថាកងកម្លាំងយើងនៅកន្លែងផ្សេង។ ប៉ុន្តែនោះមិនមែនជាករណីទេ។ យើងអាចប្រឈមជាមួយក្រុមសកម្មប្រយុទ្ធច្រើន ប៉ុន្តែកងកម្លាំងយើងគឺដាក់ពង្រាយគ្រប់កន្លែងដើម្បីប្រឈមរាល់ការគំរាមកំហែងគ្រប់ប្រភេទ"។

ប៉ុន្តែលោកនិយាយថា ពួកឧទ្ទាមបានចាប់មនុស្ស ៥ នាក់ធ្វើជាចំណាប់ខ្មាំង អំឡុងការដកថយទៅវិញ។ ចំណាប់ខ្មាំងទាំងនោះមិនមែនជាសិស្សមកពីសាលារៀននោះទេ។

លោកនិយាយថា "យើងនៅតែរង់ចាំបញ្ជាក់ថាតើពួកវាដោះលែងជនស៊ីវិល ៥ នាក់ ដែលពួកវាចាប់ដែរឬយ៉ាងណា"។

លោកបានលាតត្រដាងថា អ្នកនាំពាក្យរបស់ BIFF និយាយថា ក្រុមខ្លួនពុំមានបំណងរក្សាទុកចំណាប់ខ្មាំងឡើយ។

លោកឧត្តមសេនីយ៍ត្រីរូបនេះបន្តទៀតថា ការវាយប្រហារនេះអាចធ្វើឡើងដើម្បីរំខានដល់ការវាយលុករបស់យោធាដែលកំពុងធ្វើឡើងប្រឆាំងនឹងក្រុមសកម្មប្រយុទ្ធផ្តាច់ខ្លួន ដែលមានទំនាក់ទំនងជាមួយពួកអាយស៊ីស ដែលកំពុងចាប់យកទីក្រុងម៉ារ៉ាវី ប៉ុន្តែបានច្រានចោលនូវការលើកឡើងថា នេះអាចជាការប្រឹងប្រែងដើម្បីបើកសមរភូមិជួរមុខថ្មីមួយទៀតនៅក្នុងទីក្រុងហែកហួរដោយសង្គ្រាមនៅលើកោះមិនដាណាវ៕

ប្រភព ៖ rasmeinews

ពាក្យទាក់ទង

ព័ត៌មានសង្គមអន្តរជាតិ ហ្វីលីពីន

អត្ថបទពេញនិយម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤