ម៉ិកស៊ីកូអង្វរអ្នកគាំទ្រ កុំឲ្យច្រៀងបទរើសអើងអ្នកស្រលាញ់ភេទដូចគ្នា
- 2017-06-22 01:46:54
- ចំនួនមតិ 0 | ចំនួនចែករំលែក 0
ម៉ិកស៊ីកូអង្វរអ្នកគាំទ្រ កុំឲ្យច្រៀងបទរើសអើងអ្នកស្រលាញ់ភេទដូចគ្នា
ចន្លោះមិនឃើញ
សហព័ន្ធបាល់ទាត់ម៉ិកស៊ីកូ ហៅកាត់ FMF បានទទូចសុំអ្នកគាំទ្ររបស់ខ្លួនឈប់ស្រែកច្រៀងបទដែលបង្ហាញពីការរើសអើងចំពោះក្រុមអ្នកស្រលាញ់ភេទដូចគ្នា (Homophobic)។
ការច្រៀងរើសអើងកើតឡើងក្នុងការប្រកួតដែលម៉ិកស៊ីកូស្មើគ្នា ២-២ ជាមួយ ព័រទុយហ្គាល់ក្នុងការប្រកួត Confederations Cup ហើយ FIFA ព្រមានថានឹងធ្វើការពិន័យដល់ជម្រើសជាតិពួកគេបើសិនអ្នកគាំទ្របន្តសកម្មភាពនោះតទៅទៀត។
FMF បានថ្លែងការថា៖ "ដូចអ្នកដឹងស្រាប់ហើយថា FIFA មានចំណាត់ការតឹងរ៉ឹងចំពោះការរើសអើងក្នុងបាល់ទាត់។ ការប្រឹងប្រែងរបស់កីឡាករលើទីលាននឹងគ្មានន័យអ្វីទាំងអស់បើសិនជា អ្នកគាំទ្រនៅតែបន្តធ្វើទង្វើដែលផ្គើននឹងបម្រាម។ បើសិនជាពួកយើងចាញ់ អ្នកក៏ចាញ់ ហើយគ្រប់គ្នា (ប្រជាជនម៉ិកស៊ីកូ) សុទ្ធតែចាញ់"។
គួររម្លឹកថាសហព័ន្ធបាល់ទាត់ម៉ិកស៊ីកូធ្លាប់ត្រូវ FIFA ពិន័យ៨លើកមកហើយនៅអំឡុងការប្រកួតជម្រុះ World Cup ដោយសារតែអ្នកគាំទ្រច្រៀងបទរើសអើងភេទទី៣ ក្នុងពេលជម្រើសជាតិប្រកួត៕