ទៀតហើយ! ក្រុម IS បំផ្ទុះវិហារអ៊ីស្លាមដ៏ល្បីមួយ កណ្តាលទីក្រុងម៉ូស៊ូល

2017-06-22 01:50:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមរដ្ឋអ៊ីស្លាម Islamic State ដែលគេហៅថា IS បានបំផ្ទុះវិហារអ៊ីស្លាមដ៏ល្បី Great Mosque of al-Nuri ដែលស្ថិតនៅកណ្តាលទីក្រុងម៉ូស៊ូល (Mosul) ប្រទេសអ៊ីរ៉ាក់។

កន្លែងប្រវត្តិសាស្ត្របុរាណ ដែលមានអណ្ដូងរ៉ែដ៏ល្បីល្បាញមួយនេះ ធ្លាប់ជាកន្លែងដែលមេដឹកនាំ ក្រុម IS លោក Abu Bakr al-Baghdadi ប្រកាសថាជាការិយាល័យរបស់ព្រះចៅកាលិហ្វ កាលពីឆ្នាំ ២០១៤។

ទោះបីជាយ៉ាងណា ក្រុម IS បានអះអាងនៅក្នុងសេចក្ដីថ្លែងការណ៍ ដែលចេញផ្សាយដោយសារព័ត៌មានរបស់ខ្លួន ឈ្មោះ Amaq ថា យន្តហោះចម្បាំងអាមេរិកទេ ដែលបានបំផ្លាញព្រះវិហារនោះ។

នាយករដ្ឋមន្ត្រីអ៊ីរ៉ាក់ លោក Haider al-Abadi បាននិយាយថា ការបំផ្ទុះវិហារអ៊ីស្លាមនោះ គឺជាការប្រកាសជាផ្លូវការនៃការបរាជ័យរបស់ក្រុម IS។ បើតាមរូបថតពីលើអាកាស បានបង្ហាញឲ្យឃើញ វិហារអ៊ីស្លាមនោះ រងការខូចខាតយ៉ាងធ្ងន់ធ្ងរ។

មេបញ្ជាការអ៊ីរ៉ាក់ ដែលទទួលបន្ទុកលើការវាយលុក ដើម្បីដណ្ដើមយកទីក្រុងម៉ូស៊ូលមកវិញ បានប្រាប់ឲ្យដឹងថា កងទ័ពបានស្ថិតនៅចម្ងាយតែ ៥០ ម៉ែត្រប៉ុណ្ណោះ ពីវិហារអ៊ីស្លាមនោះ នៅពេលដែល ក្រុម IS បានប្រព្រឹត្តឧក្រិដ្ឋកម្មប្រវត្តិសាស្ត្រខាងលើ។

ចំណែកឯមេបញ្ជាការជាន់ខ្ពស់អាមេរិកម្នាក់ នៅក្នុងប្រទេសអ៊ីរ៉ាក់ ក៏បានប្រាប់ឲ្យដឹងដែរថា ក្រុម IS បានបំផ្លាញមរតកដ៏អស្ចារ្យមួយ របស់ទីក្រុងម៉ូស៊ូល និងជារបស់ប្រទេសអ៊ីរ៉ាក់ ផងដែរ។