ឈិនឡុង ទប់ទឹកភ្នែកមិនជាប់ ពេលរំលឹករឿងលំបាកខ្លះជាមួយបងប្អូនរួមក្រុម

2017-06-22 02:17:57
ចំនួនមតិ 0 | ចំនួនចែករំលែក 0

ចន្លោះមិនឃើញ

Jackie Chan និងមិត្តរួមក្រុម "Jackie Chan Stunt Team” បានប្រារព្ធខួបលើកទី ៤០នៅកន្លែងមួយដែលមានឈ្មោះថា "Beijing Panlong Valley Jackie Chan Art Centre”។

ជួបជុំគ្នាកាលពីថ្ងៃទី ២០ ខែមិថុនា ពួកគេបានជជែកគ្នា និងរំលឹកពេលវេលាលំបាកលំបិនពីមុន ដែលបានហែលឆ្លងរួមគ្នា ធ្វើឲ្យកំពូលតារាក្បាច់គុនចិន Jackie Chan ស្រក់ទឹកភ្នែកភ្លាមៗ។

ថ្វីត្បិតក្ដុកក្ដួលខ្លាំង តែ Jackie Chan ឫ ឈិន ឡុង ក៏បានបង្ហើបពីព័ត៌មានល្អមួយគឺ សមាគមអ្នកហាត់ក្បាច់គុនចិន (Chinese Stuntman Association) ដែលលោកបានរៀបចំរយៈពេលជាង ២០ឆ្នាំ នឹងត្រូវសម្ពោធក្នុងពេលឆាប់ៗខាងមុខនេះហើយ។ ក្នុងនោះលោកនឹងបរិច្ចាគប្រាក់ប្រមាណ ១៤ម៉ឺនដុល្លារ ជូនទៅក្រុមអ្នកហាត់ក្បាច់គុន Jackie Chan (Jackie Chan Stunt Team) ទុកជាប្រាក់ធានារ៉ាប់រងផ្សេងៗ។

តារាប្រុសរូបនេះនិយាយថា៖ "ខ្ញុំសង្ឃឹមថាក្រុមរបស់ខ្ញុំនឹងបន្តដើរទៅមុខឲ្យបានរយៈ ៥០ឆ្នាំ ៦០ឆ្នាំ ៧០ឆ្នាំ និងយូរជាងនេះតទៀត ហើយទោះបីអស់ពីខ្ញុំក៏ដោយ ក៏វានឹងនៅបន្តរហូតដែរ។ ខ្ញុំរកឃើញជីវិតដ៏មានន័យបំផុត ក្រោយពេលបានជួបបងប្អូនទាំងអស់គ្នា”៕