អ្នករចនាម៉ូដតៃវ៉ាន់ ដ៏ស្រស់ស្អាតរូបនេះ កំពុងល្បីខ្លាំង តែបើដឹងអាយុពិតនាង អាចដាច់ផ្ងារ

2017-06-22 02:49:56
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នករចនាម៉ូដស្រីតៃវ៉ាន់ ដ៏ស្រស់ស្អាតម្នាក់ មានឈ្មោះថា Lure Hsu កំពុងល្បីល្បាញយ៉ាងខ្លាំង នៅលើបណ្ដាញអ៊ីនធឺណិត ដោយសារតែ សមត្ថភាពដ៏អស្ចារ្យ បូករួមទាំង រូបសម្រស់ដ៏ស្រស់ស្អាតរបស់នាង។

បើក្រឡេកមើលមួយភ្លែត អ្នកប្រាកដជាគិតថា នាងគឺជាកូនសិស្សសាលា វ័យក្មេងម្នាក់ ប៉ុន្តែការពិត នាង Lure កំពុងត្រៀមខ្លួនស្វាគមន៍ថ្ងៃខួបកំណើត លើកទី ៤២ របស់នាង។

នាង Lure ដែលជាអ្នករចនាម៉ូដ (Interior Designer) បានប្រាប់ឲ្យដឹងពីអាថ៌កំបាំង ដែលជួយឲ្យនាងមានសម្រស់ និងរូបរាង ស្រស់ស្អាតដូចយុវវ័យបែបនេះថា គឺការទទួលទានទឹក និងបន្លែឲ្យបានច្រើន។

គួរបញ្ជាក់ថា នាង Lure ចាប់ផ្ដើមទទួលបានការចាប់អារម្មណ៍ ពីសាធារណជនដំបូង នៅពេលដែលប្អូនស្រីរបស់នាង ឈ្មោះ Sharon Hsu ដែលជាតារាសម្ដែងស្រី បានអញ្ជើញនាងឲ្យចូលរួមក្នុងកម្មវិធីកម្សាន្តមួយ ជាមួយគ្នា កាលពីឆ្នាំ ២០១៥។ ទោះបីជាយ៉ាងណា អ្នកគាំទ្រនាង Lure មានការភ្ញាក់ផ្អើលយ៉ាងខ្លាំង ក្រោយបានដឹងពីអាយុពិតរបស់នាង។

ស្ត្រីជាអ្នករចនាម៉ូដ វ័យ ៤១ ឆ្នាំរូបនេះ បានពន្យល់ប្រាប់ថា នាងទទួលទឹកច្រើនជារៀងរាល់ថ្ងៃ និងព្យាយាមមិនទទួលទានភេសជ្ជៈមានជាតិស្ករ ដូចជា ទឹកក្រូច ឡើយ។ ក្រៅពីទឹក នាងទទួលទានកាហ្វេខ្មៅមួយពែង ជារៀងរាល់ពេលព្រឹក។ នាងបានបញ្ជាក់បន្ថែមទៀតថា ការរក្សាឲ្យមានជាតិទឹកនៅក្នុងខ្លួន គឺជារឿងសំខាន់បំផុត៕