ស្រាយចម្ងល់ប្រជាពលរដ្ឋ ចំពោះលក្ខខណ្ឌ និងឯកសារ ដើម្បីកាត់ឈ្មោះ ឡាន ម៉ូតូ

2017-06-22 03:14:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ការកាត់ឈ្មោះយានយន្ត ពីម្ចាស់ដើមទៅកាន់អ្នកទិញនៅតែជារឿងស្មុគស្មាញ និងចម្ងល់ សម្រាប់ប្រជាពលរដ្ឋនៅឡើយ ដោយមិនទាន់ដឹងច្បាស់ពាក់ព័ន្ធបញ្ហានេះ។ ដូច្នេះដើម្បីអាចកាត់ឈ្មោះម៉ូតូ ឡាន ពីម្ចាស់មួយមួយទៅម្ចាស់មួយត្រូវចំណាយលុយអស់ប៉ុន្មាន ហើយត្រូវភ្ជាប់ឯកសារអ្វីខ្លះ?

បើតាមមន្ត្រីជាន់ខ្ពស់មួយរូប របស់ក្រសួងសាធារណការ និងដឹកជញ្ជូន បានឱ្យដឹងពី នីតិវិធី ចំពោះការកាត់ឈ្មោះម៉ូតូ និងឡានដូចខាងក្រោមនេះ៖

ចំពោះម៉ូតូ៖ ដើម្បីអាចកាត់ឈ្មោះបានគឺត្រូវបង់ថ្លៃសេវា ២៨ ០០០ រៀល តែបើឆ្លងរាជធានីខេត្ត គឺ ៤០ ០០០រៀល។ ចំណែកឯកសារសំខាន់ៗ ដែលត្រូវភ្ជាប់មកជាមួយ និងលក្ខខណ្ឌរួមមាន៖ លិខិតទិញលក់មានស្នាមមេដៃម្ចាស់ដើម មានសាក្សី២រូបផ្ដិតមេដៃចំពោះមន្ត្រីទទួលបន្ទុកការងារ មកជាមួយនូវអត្តសញ្ញាណបណ្ណអ្នកទិញ និងអ្នកលក់ ជាការស្រេច។

ចំពោះរថយន្ត៖ ត្រូវបង់ថ្លៃសេវា ៤៨ ០០០ រៀល តែបើឆ្លងរាជធានីខេត្តត គឺ ១០១ ០០០រៀល។ កាតព្វកិច្ចបន្ថែមគឺត្រូវបង់ពន្ធប្រថាប់ត្រាជូនពន្ធដារដែលដាក់មន្ត្រីនៅកន្លែងផ្តល់សេវារបស់ក្រសួងផ្ទាល់។ ត្រូវមានលិខិតទិញលក់មានមេដៃម្ចាស់ដើម មានសាក្សី២រូប ផ្ដិតមេដៃចំពោះមុខមន្ត្រី ភ្ជាប់មកជាមួយ នូវអត្តសញ្ញាណបណ្ណអ្នកទិញ និងអ្នកលក់។ ឯកសារពាក់ព័ន្ធនឹងរថយន្ត ដូចជា៖ កាតគ្រី ឆៀក ក្រដាសពន្ធផ្លូវ។

ប្រជាពលរដ្ឋទាំងអស់ អាចទៅទទួលសេវានៅមន្ទីរ ឬអគ្គនាយកដ្ឋានបើមានបញ្ហាអ្វីបងប្អូនអាចទាក់ទងទៅក្រសួងភ្លាមៗ តាមរយៈលេខ៖ ០៨៥ ៩២៩ ០៩០, ០១៥ ៩២៩ ០៩០ ,០៦៧ ៩២៩ ០៩០៕

អត្ថបទ៖ វឌ្ឍនៈ