Brand ទាំង៧ដែលធ្វើឲ្យ Sandara Park តែងតែក្លាយខ្លួនជាម្ចាស់ក្សត្រី Fashion

2017-06-22 04:36:46
ចំនួនមតិ 0 | ចំនួនចែករំលែក 0

ចន្លោះមិនឃើញ

Brand របស់ក្រុមហ៊ុនហ្វេសិនទាំងនេះគឺសុទ្ធតែជា Brand ដែល Sandara Park តែងតែស្លៀកពាក់ដែលមើលទៅពិតជាស្អាតនិងឡូយឆាយខ្លាំង សមនឹងពាក្យគេដាក់ឲ្យថាជាម្ចាស់ក្សត្រីហ្វេសិន។

នេះគឺជា Brand ទាំង៧៖

១. 99%IS

99%IS គឺជា Brand មួយរបស់មិត្តភក្តិជិតស្និទ្ធរបស់ Sandara Park និង G-Dragon ផងដែរគឺមានឈ្មោះថា BAJOWOO។ ផលិតផលដែលនាងពេញចិត្តបំផុតពីម៉ាកនេះគឺមួក។

២. Vetements

Vetements គឺជា Brand របស់ប្រទេសបារាំងដែលបង្កើតដោយអ្នកឌីហ្សាញហ្វេសិនលោក Demna Gvasalia នៅក្នុងឆ្នាំ ២០០៩។ Sandara ចូលចិត្តស្លៀកពាក់សំលៀកបំពាក់ទាំងនេះព្រោះនាងមិនញញើតនឹងការសាកល្បងម៉ូដថ្មីៗ។

៣. A Bathing Ape (BAPE)

A Bathing Ape (BAPE) គឺជា Brand សំលៀកបំពាក់របស់ជប៉ុនបង្កើតដោយលោក Nigo ក្នុងឆ្នាំ១៩៩៣។ ចំពោះ Brand មួយនេះ Sandara ពេញចិត្តនូវសំលៀកបំពាក់ដែលស្លៀកពាក់ដើរលេងតាមផ្លូវ ដូចជាក្នុងរូបខាងក្រោមនេះអីចឹង គឺនាងពាក់អាវប៉ារ៉ាមានមួក ដែលមើលទៅពិតជាសមនឹងនាងណាស់។

៤. Gucci

Gucci គឺជា Brand ដ៏ល្បីមួយរបស់អ៊ីតាលី ដែលចាប់ផ្តើមដំណើរការតាំងពីឆ្នាំ១៩២១មកម្ល៉េះ។ ក្រុមហ៊ុននេះបង្កើតឡើងដោយលោក Guccio Gucci ប៉ុន្ដែពេលនេះក្រុមហ៊ុនដំណើរក្រោមការដឹកនាំរបស់លោក Alessandro Michele។ Dara ត្រូវបានគេសង្កេតឃើញថាឧស្សាហ៍ពាក់សំលៀកបំពាក់ Gucci ដែលជា Brand មួយដែលតារាកូរ៉េភាគច្រើនចូលចិត្ត។

៥. Gosha Rubchinskiy

Gosha Rubchinskiy គឺជា Brand របស់ប្រទេសរុស្សី ដែលផ្ដោតសំខាន់ទៅលើការបង្កើតផលិតផលផ្សេងបន្ទាប់ពីការធ្លាក់ចុះរបស់សហព័ន្ធសូវៀត ដែលជា Brand ផ្ទាល់ខ្លួនរបស់លោក Gosha Rubchinskiy តែម្ដង។ ទោះបីជា Brand នេះផលិតផលិតផលច្រើនប្រភេទ តែ Dara នៅតែចូលចិត្តស្លៀកពាក់ពាក់នូវ Brand មួយនេះ។

៦. Adidas

Adidas គឺជា Brand ដ៏ល្បីមួយរបស់អាល្លឺម៉ង់ ហើយ Sandara ជ្រើសយកម៉ូត Adidas Original ព្រោះវាគឺជាម៉ូដមួយដែលល្បីជាងគេពី Adidas។ ម្យ៉ាងវិញទៀតនាងគឺជាមិត្តភ័ក្ដិជិតស្និទ្ធជាមួយនឹងអ្នកសហគារ Brand មួយនេះគឺលោក Jeremy Scott ដែលធ្វើឲ្យនាងកាន់តែមានទំនុកចិត្ត។

៧. Supreme

Supreme គឺជា Brand មួយដែលផ្តោតសំខាន់ទៅលើក្តាជិះស្គី ដែលបានបង្កើតតាំងពីឆ្នាំ ១៩៩៤។ ប៉ុន្តែមកដល់ពេលនេះ Brand នេះមិនផ្តោតសំខាន់ទៅលើក្តាជិះស្គីមួយមុខនោះទេ នោះដោយរាប់បញ្ចូលទាំងសំលៀកបំពាក់ទៀតផង។ ចំពោះ Sandara Park នាងចូលចិត្តពាក់អាវយឺតរបស់Supreme ខ្លាំង៕