ស្ងាត់ៗ! Lee Min Ho បានការងារថ្មីជា...

2017-06-22 05:15:11
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាភាពយន្តដ៏ល្បីរបស់កូរ៉េ លី ម៉ិញ ហូ (Lee Min Ho) ត្រូវបានប្រកាសជាទូតសុឆន្ទៈផ្លូវការថ្មីតំណាងឲ្យស្រាបៀរអាន់ឆ័រ (Anchor Beer) នៅក្នុងសន្និសីទសារព័ត៌មានលំដាប់ខ្ពស់មួយនៅសាល D22 អគារ Phnom Penh Tower។

លោក Roland Bala នាយកគ្រប់គ្រងក្រុមហ៊ុនផលិតស្រាបៀរកម្ពុជា (CBL) បានបញ្ជាក់ហេតុផលដែលស្ថិតនៅពីក្រោយកិច្ចព្រមព្រៀងនេះថា៖ "នេះជាការសហការគ្នារវាងក្រុមហ៊ុនធំពីរ។ ស្រាបៀរ អាន់ឆ័រ ជាម៉ាកសញ្ញាស្រាបៀរលំដាប់អន្តរជាតិ ដែលល្បីបំផុតនៅកម្ពុជា។ ឯលោក Lee Min Ho ជាតារាសម្តែងប្រចាំស្ថានីយ៍ទូរទស្សន៍ និងតារាភាពយន្តដ៏ល្បីលំដាប់អន្តរជាតិ ហើយក៏មានប្រជាជនកម្ពុជាជាច្រើននាក់គាំទ្រលោកផងដែរ។ គាត់ពិតជាតារាភាពយន្តដ៏ល្បីម្នាក់ដែលអាចជួយឲ្យស្រាបៀរអាន់ឆ័រ កាន់តែទទួលជោគជ័យបន្ថែមទៀតនៅកម្ពុជា"។

លោក Roland Bala បន្តថា៖ "យុទ្ធនាការដែលមាន លី ម៉ិញហូ ជាទូតសុឆន្ទៈតំណាងស្រាបៀរអាន់ឆ័រ នឹងមានជាហូរហែស្របតាមសកម្មភាពរបស់ស្រាបៀរអាន់ឆ័រ ដែលជំរុញឲ្យមានភាពសប្បាយរីករាយ ហើយយើងផ្តោតជាសំខាន់ជំរុញឲ្យប្រិយមិត្តគាំទ្រកម្ពុជាចូលរួមតាមរូបភាពផ្សេងៗជាច្រើន"។

ជាក់ស្តែងមានវីដេអូដ៏ពិសេសមួយ ដែលបង្ហាញពីបទសម្ភាសន៍ជាលើកដំបូងរបស់តារាភាពយន្តនេះ ក្នុងនាមជាឯកអគ្គរាជទូតតំណាងឲ្យស្រាបៀរអាន់ឆ័រ ដោយលោកបានឲ្យដឹងថា លោកពិតជាមានកិត្តិយសណាស់ ដែលបានធ្វើការជាមួយស្រាបៀរ អាន់ឆ័រ ពីព្រោះវាជាឱកាសដ៏ល្អមួយសម្រាប់លោកផ្សព្វផ្សាយទៅដល់អ្នកគាំទ្ររបស់លោកនៅក្នុងប្រទេសកម្ពុជា។

ក្នុងនាមជាឯកអគ្គរាជទូតតំណាងស្រាបៀរ អាន់ឆ័រ លោកមានឱកាសជាច្រើនមកទស្សនាប្រទេសកម្ពុជា និងជួបអ្នកគាំទ្ររបស់លោកទាំងអស់ ព្រមទាំងទទួលបានបទពិសោធន៍ពីពីបរិយាកាសថ្មី និងអាហារដ៏ឆ្ងាញ់របស់ខ្មែរ។ សំខាន់ជាងនេះទៀត លោកលី ម៉ិញហូ បានសម្គាល់ថា ប្រាសាទអង្គរវត្ត គឺជាអច្ឆរិយប្រាសាទដ៏មហស្ចារ្យនៃបេតិកភណ្ឌវប្បធម៌របស់ប្រទេសកម្ពុជា ហើយលោកមានបំណងចង់មកទស្សនាប្រាសាទបុរាណទាំងនេះ ដើម្បីបង្ហាញពីការគោរពរបស់លោក ។

នៅក្នុងសារដ៏ពិសេសជូនប្រិយមិត្តកម្ពុជាទាំងឡាយ ដែលគាំទ្រលោក លោកបានឲ្យដឹងថា ជានិច្ចកាល លោកសូមថ្លែងអំណរគុណចំពោះប្រិយមិត្តទាំងអស់ដែលបានគាំទ្ររូបលោក និងសង្ឃឹមថា ពួកគេនឹងពេញចិត្តចំពោះតួនាទីថ្មីរបស់លោក ជាមួយស្រាបៀរ អាន់ឆ័រ ដែលជំរុញឲ្យលោកមកធ្វើទស្សនកិច្ចនៅប្រទេសកម្ពុជា ក្នុងពេលដ៏ខ្លីខាងមុខនេះ ដើម្បីជួប និងថ្លែងអំណរគុណដល់អ្នកគាំទ្រជាច្រើន៕

សម្រាប់ព័ត៌មានបន្ថែម ចូលផេកហ្វេសប៊ុកwww.facebook.com/AnchorBeerKH