BOEING ដំណើរការសាកល្បងយន្តហោះបើកបញ្ជាដោយខ្លួនឯង

2017-06-22 08:29:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតយន្តហោះរបស់អាមេរិក BOEING បានប្រកាសនឹងបើកដំណើរការសាកល្បងយន្តហោះបើកបញ្ជាដោយស្វ័យប្រវត្តិ។

វាអាចហោះឡើងនិងចុះចតដោយខ្លួនឯង ប៉ុន្តែដំណាក់កាលដំបូងមានអ្នកចាំត្រួតពិនិត្យមុនឈានដល់ការបញ្ជាស្វ័យប្រវត្តិដោយខ្លួនឯងទាំងស្រុង។ ក្នុងការសម្រេចចេញជាលទ្ធផលនៃការបញ្ជា យន្តហោះនេះប្រើនូវបច្ចេកវិទ្យា AI។

លោក Mike Sinnett អនុប្រធានផ្នែកអភិវឌ្ឍផលិតផលរបស់ BOEING បានថ្លែងប្រាប់សារព័ត៌មាន Reuters ថា រាល់ពេលដែលលោកសម្លឹងមើលទៅអនាគតនៅ ២០ ឆ្នាំទៅមុខ តម្រូវការយន្តហោះខ្នាតយក្សមានចំនួន ៤១ ០០០ គ្រឿង ហើយដែលត្រូវការអ្នកបើកយន្តហោះប្រហែល ៦១៧ ០០០ នាក់បន្ថែមទៀត។

លោកបន្ត ដូច្នេះដំណោះស្រាយដ៏ល្អមួយ ចាំបាច់ត្រូវបង្កើតយន្តហោះស្វ័យប្រវត្តិ ដែលអាចកាត់បន្ថយអ្នកបើកក្នុងចំណោម ៥ នាក់ឱ្យសល់តែ ២ ទៅ ៣ នាក់ បន្តពី ២ នាក់ចុះសល់ ១ នាក់ រហូតដល់លែងមានអ្នកនៅបញ្ជាតែម្ដង។

រំលឹកថាក្រុមហ៊ុន Airbus បច្ចុប្បន្នក៏កំពុងដុតដៃដុតជើងជាមួយការបង្កើតនូវរថយន្តហោះលើអាកាស ដែលបើកដំណើរការសាកល្បងដំបូងជាប្រភេទផ្ទុកបានមនុស្សម្នាក់នាចុងឆ្នាំនេះ មុនដល់ដាក់ឱ្យប្រើប្រាស់ជាទ្រង់ទ្រាយធំនាឆ្នាំ ២០២១។

បន្តចុចអាន៖

ប្រភព៖ Independent ប្រែសម្រួល៖ កៅ រក្សា