ផ្សាររាត្រីកុងតឺន័រទី៣ មួយទៀត នឹងរំលេចខ្លួន នៅក្រុងព្រះសីហនុ មុនថ្ងៃភ្ជុំបិណ្ឌ

2017-06-23 02:15:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្សារកុងតឺន័រ ដែលមិត្តអ្នកអាន ជាពិសេសយុវជនគ្រប់ស្រទាប់ប្រាកដជាបាន ស្គាល់មកហើយថា ផ្សាររាត្រីថ្មី និងប្លែក ដំបូងនៅកម្ពុជា បាន និងកំពុងពង្រីកទីតាំងថ្មីនៅតំបន់ទេសចរណ៍ឆ្នេរសមុទ្រ នៅក្រុងព្រះសីហនុ ដែលគ្រោងនឹងដំណើរការមុនថ្ងៃភ្ជុំបិណ្យ។ នេះបើតាមប្រសាសន៍ អគ្គនាយក ក្រុមហ៊ុន Jet's Group ថ្លែងប្រាប់ Sabay ថ្មីៗនេះ។

ផ្សារកុងតឺន័រនៅរាជធានី

ស្ថាបនិកផ្សារកុងតឺន័រ លោកឧកញ៉ា ស្រី ចាន់ថន អគ្គនាយក ក្រុមហ៊ុន Jet's Group បានប្រាប់ថា គម្រោងផ្សាររាត្រី កុងតឺន័រទី៣ គ្រោងនឹងដំណើរការនៅពេលឆាប់ៗខាងមុខនេះ ខណៈដែលផ្សារកុងតឺន័រទី២ នៅក្រុងប៉ោយប៉ែត ជាប់ព្រំដែនបានទើបតែបើកលក់ប្រហែលមួយអាទិត្យ។

លោកបញ្ជាក់ថា៖ «សម្រាប់ការវិនិយោគគឺមានទំហំប្រហាក់ប្រហែលគ្នា ហើយជាតំបន់ទីប្រជុំជនដូចគ្នា»។ លោកបន្ថែមថា ការបង្កើតផ្សាររាត្រីកុងតឺន័រច្រើនបែបនេះ ក៏តែចង់ឲ្យភ្ញៀវជាតិ និងអន្តរជាតិអាចផ្លាស់ប្ដូរអារម្មណ៍បានច្រើនកន្លែង និងមិនងាយធុញទ្រាន់៕