“ខ្ញុំចង់ឃើញ Neymar និង Messi លេងបាល់លើទីលានគ្រួសក្រហមនេះណាស់” Alves

2017-06-24 01:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Dani Alves បានចង់ឃើញអតីតមិត្តរួមក្រុមរបស់គេ Lionel Messi និង Neymar បានលេងបាល់ទាត់នៅទីលានគ្រួសក្រហម ដែលជាកន្លែងខ្លួនលេងពីតូចខ្លាំងណាស់។

អំឡុងពេលសម្រាកលំហែកាយ Alves បានទៅដល់កន្លែងចាប់ផ្ដើមអាជីពបាល់ទាត់របស់ខ្លួនដំបូង ក៏ដូចជាស្រុកកំណើតតែម្ដង។ ដោយទីលាននៅកន្លែងនោះ មិនមានស្មៅនោះទេ ពោលគឺទីលានតាមជនបទ មានតែគ្រួសក្រហមប៉ុណ្ណោះ។ ទៅដល់ទីកន្លែងស្រុកភូមិខ្លួនភ្លាម ខ្សែការពារខាងលើបាននឹកដល់មិត្តរួមក្រុម Messi និង Neymar ភ្លាម ដោយគិតថាតើពួកគេអាចលេងបាល់កើតឬអត់នៅទីលានគ្រួសក្រហមយ៉ាងនេះ។

“វាពិតជាងាយក្នុងការរកបាន២គ្រាប់នៅទីលាន Juventus Camp Nou Bernabeu និង Emirates ប៉ុន្តែបើអ្នកមកទីនេះ ហើយមើលទៅមើលថាអាចរកបាន២គ្រាប់នៅទីលាននេះដែរអត់។ ខ្ញុំពិតជាចង់ឃើញអ្នកលេងនៅទីនេះ Messi និង Neymar ដែលជាទីលានមានគ្រួសពាក់កណ្ដាល”។ សម្ដីរបស់ Alves៕

ចុចអានអត្ថបទបន្ដ៖

នុះ! Neymar ប្រកាសចែកផ្លូវជាមួយមិត្តស្រីជាតារាសម្ដែងបាត់

ទោសជាប់គុក២១ខែរបស់ Messi នឹងប្ដូរទៅជាការបង់ប្រាក់វិញ

ប្រភព៖ Dailymail ប្រែសម្រួល៖ មុន្នីរម្យ