Floyd ប៉ះ McGregor នឹងក្លាយជាការប្រកួតបានលុយច្រើនបំផុតក្នុងប្រវត្តិសាស្ត្រ

2017-06-24 03:55:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតFloyd Mayweather និង Conor McGregor ដែលធ្វើឡើងនៅថ្ងៃទី២៦ខែសីហាឆ្នាំ២០១៨ខាងមុខនេះ នឹងក្លាយជាការប្រកួតមួយដែលមានប្រាក់រង្វាន់ច្រើនបំផុតរហូតដល់៣៨៦លានផោនឯណោះ។

បើតាមអ្នករៀបចំការប្រកួតខាងលើនេះ បានបញ្ជាក់ថាតាមគម្រោងគិតទាំងថ្លៃលក់សិទ្ធផ្សាយ អ្នកទស្សនា និងអ្វីៗផ្សេងទៀតនោះ ការប្រកួតរបស់កំពូលកីឡាករទាំងពីរខាងលើនឹងធ្វើឱ្យកក្រើកពិភពលោកតែម្ដង។ យ៉ាងណាមិញ ទំហំទឹកប្រាក់រង្វាន់របស់ពួកគេ បើតាមការព្យាករណ៍អាចឈានដល់៣៨៦លានផោនឯណោះ ព្រោះថាពួកគេទាំងពីរនាក់ សុទ្ធសឹងតែជាកំពូលៗទៅហើយ។

មួយវិញ Floyd ដែលប្រកាសចូលនិវត្តន៍ទៅហើយនោះ សុខចិត្តត្រលប់ឡើងសង្វៀនជាថ្មី គឺប្រាកដណាស់ថារូបគេនឹងបង្កើតប្រវត្តិសាស្ត្រមិនចាញ់បន្ដទៀត ខណៈដែលតម្លៃខ្លួននៃការឡើងប្រកួតរបស់គេ ក៏មិនអន់នោះដែរ។ ផ្ទុយទៅវិញ Conor McGregor ដែលអ្នកគាំទ្រស្គាល់ច្បាស់ថាជាជើងខ្លាំងខាង UFC ក៏ទទួលបានការគាំទ្រច្រើនមិនតិចទេ។ ដូច្នេះហើយ ការប្រកួតរវាងអ្នកទាំងពីរនេះប្រាកដជាកាន់តែពិសេសជាក់ជាមិនខាន។

សូមបញ្ជាក់ថាការប្រកួតខាងលើនេះនឹងធ្វើឡើងនៅសង្វៀន T-Mobile Arena ដែលអាចដាក់មនុស្សបាន ២០ ០០០នាក់នោះ នៅទីក្រុង Las Vegas សហរដ្ឋអាមេរិក។ ចំពោះសំបុត្រចូលមើលវិញ អាចនឹងមានតម្លៃថ្លៃដោយចាប់ពី ២ពាន់ដុល្លារឡើង ដោយឡែកសម្រាប់កន្លែង VIP វិញ អាចឈានដល់ទៅ ១៣០ ០០០ដុល្លារឯណោះ៕

ចុចអានអត្ថបទ៖

តើអ្នកគួរចំណាយ លុយ១៥ម៉ឺនដុល្លារ សម្រាប់កៅអីអង្គុយមើល Floyd Vs McGregor ទេ

Floyd បើកឃ្លាំងបង្អួត Rolls-Royce របស់ខ្លួន៦គ្រឿង តម្លៃថ្លៃកប់ក្ដោង

ប្រភព៖ Dailymail ប្រែសម្រួល៖ មុន្នីរម្យ