បើរឿងនេះកើតឡើង Messi ប្រហែលជាក្លាយជាកីឡាករ Real Madrid បាត់ហើយ

2017-06-24 04:14:59
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកHoracio Gaggioli គឺជាបុគ្គលដំបូងដែលធ្វើជាភ្នាក់ងាររបស់ Lionel Messi ហើយក៏ជាអ្នកនាំខ្សែប្រយុទ្ធរូបនេះទៅសាកល្បងសមត្ថភាពជាមួយក្រុម FC Barcelona ផងដែរ។

យ៉ាងណាមិញ Gaggioli បានបញ្ជាក់ថាប្រសិនបើលោកបានទៅរស់នៅទីក្រុង Madrid កាលពីប៉ុន្មានមុន ហើយមិនទៅទីក្រុង Baracelona ទេនោះ ពេលនេះប្រហែលជា Messi បានក្លាយជាកីឡាករកំពូលម្នាក់នៅ Real Madrid បាត់ទៅហើយ។ បុរសសញ្ជាតិអាហ្សង់ទីនរូបនេះ បន្ដទៀតថាខ្លួនបាននាំក្មេងប្រុសអាយុ១៣ឆ្នាំទៅធ្វើតេស្ដសមត្ថភាពដើម្បីរកក្លឹបឱ្យរូបគេចូលលេង។ ពេលនោះ ខ្លួនបានធ្វើការផ្លាស់ទីលំនៅ ដោយដំបូងឡើយចង់ទៅ Madrid ប៉ុន្តែមិនអាច ទើបផ្លាស់ទៅក្រុង Barcelona វិញទៅ។

ទន្ទឹមគ្នានឹងការផ្លាស់ទីលំនៅនោះដែរ Gaggioli ក៏បាននាំ Messi ទៅជាមួយដែរ ព្រោះលោកជាអ្នករកក្លឹបឱ្យគេលេង។ ទៅដល់ក្រុង Barcelona ភ្លាមលោកបានឱ្យក្មេងប្រុសរាងតូចល្អិតម្នាក់នេះទៅហ្វឹកហាត់ធ្វើតេស្ដសមត្ថភាពតែម្ដង។ ក្រោយមក ក៏ជាប់ឈ្មោះហើយត្រូវក្លឹបអ្នកមានបុណ្យមួយនេះទទួលយកទៅហ្វឹកហាត់និងក្លាយជាកីឡាករកំពូលដូចបច្ចុប្បន្ននេះ។

ផ្ទុយទៅវិញ បើគ្រានោះ លោក Gaggioli បានផ្លាស់ទៅក្រុង Madrid វិញ នោះពេលនេះអាចនឹង Messi លេងនៅ Real Madrid បាត់ទៅហើយ មិនមែនជាកីឡាកររបស់ FC Barcelona នោះទេ៕

ចុចអានអត្ថបទបន្ដ៖

សាហាវមែន Monaco បដិសេធតម្លៃខ្លួន១០០លានអឺរ៉ូរបស់ Mbappe

“ខ្ញុំចង់ឃើញ Neymar និង Messi លេងបាល់លើទីលានគ្រួសក្រហមនេះណាស់” Alves

ប្រភព៖ Goal ប្រែសម្រួល៖ មុន្នីរម្យ