អាជ្ញាកណ្ដាលចេញមុខសុំទោស រឿងមិនឱ្យគ្រាប់បាល់ចូលទីជិត១ម៉ែត្ររបស់ Barca

2017-06-24 05:02:10
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Alejandro Hernandez Hernandez បានចេញមុខសុំទោស ចំពោះការកាត់សេចក្ដីមិនច្បាស់លាស់របស់ខ្លួន ចំពោះគ្រាប់បាល់របស់ក្រុម FC Barcelona ជាមួយក្រុម Real Betis កាលពីពេលកន្លងទៅ។

រំលឹកទៅក្រោយបន្តិច ក្រុម FC Barcelona ប្រកួតជាមួយ Real Betis បញ្ចប់ទៅត្រឹមស្មើគ្នា ១-១ ប៉ុណ្ណោះ ខណៈដែលក្នុងការប្រកួតនោះ គ្រាប់បាល់របស់ Aleix Vidal ស៊ុតចូលទីសឹងតែ១ម៉ែត្រទៅហើយ តែអាជ្ញាកណ្ដាលបែរជាមិនឱ្យទៅវិញ។ រឿងនេះ កាលគ្រានោះមានការតវ៉ាជាច្រើន ប៉ុន្តែមិនអាចកែប្រែលទ្ធផលបាននោះទេ។

រហូតមកដល់ពេលនេះ លោក Hernandez ដែលជាអាជ្ញាកណ្ដាលកាត់សេចក្ដីក្នុងការប្រកួត បានចេញមុខមកសុំទោសដល់ក្លឹប Barcelona ផ្ទាល់ចំពោះកំហុសរបស់ខ្លួន ដែលធ្វើឱ្យក្រុមមួយនេះបាត់បង់២ពិន្ទុ។ "វាជាការសម្រេចចិត្តច្បាស់លាស់របស់ខ្ញុំ ប៉ុន្តែនៅគ្រានោះមានកីឡាករ៣នាក់នៅពីមុខខ្ញុំ...ខ្ញុំមិនអាចមើលអ្វីដែលកើតឡើងបាន។ ខ្ញុំដឹងថាមានអ្នកខឹងខ្ញុំច្រើន ប៉ុន្តែពេលនោះខ្ញុំមើលមិនឃើញមែន សូម្បីតែជំនួសការអាជ្ញាកណ្ដាលក៏មើលមិនឃើញដែរ វាលឿនពេក”។

សូមបញ្ជាក់ថារដូវកាលកន្លងទៅនេះ ក្លឹប Barcelona ទទួលបានចំណាត់ថ្នាក់លេខ២ក្នុងតារាង ដោយលេខ១បានទៅលើក្រុម Real Madrid ។ ក្លឹបទាំងពីរនេះ បណ្ដេញពិន្ទុគ្នាមែនទែន ដោយក្រុមលេខ១មាន៩៣ពិន្ទុ និងក្រុមលេខ២មាន៩០ពិន្ទុ៕

ចុចអានអត្ថបទបន្ដ៖

Álvaro Arbeloa បានបញ្ចប់អាជីពជាកីឡាករបាល់ទាត់របស់ខ្លួនហើយ

បើរឿងនេះកើតឡើង Messi ប្រហែលជាក្លាយជាកីឡាករ Real Madrid បាត់ហើយ

ប្រភព៖ Mirror ប្រែសម្រួល៖ មុន្នីរម្យ