សង្គ្រាមពាក្យសម្ដីចាប់ផ្ដើម Hamilton ហៅ Vettel មកជួបគ្នា១ស្មើក្រៅឡាន

2017-06-26 03:25:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងការប្រកួតប្រណាំងឡាន Formula1 នៅ Azerbaijan Grand Prix មានការប៉ះគ្នាបន្តិចបន្តួចរវាងជើងខ្លាំងអង់គ្លេស Lewis Hamilton និងកីឡាករ Sebastian Vettel របស់អាល្លឺម៉ង់។

Lewis Hamilton

រដូវកាលនេះ Hamilton កំពុងតែធ្វើបានល្អ បើទោះជារូបគេបើករដូវកាលមិនសូវជាល្អក៏ដោយ។ យ៉ាងណាមិញ ឆ្លងកាត់ច្រើនវគ្គមក កីឡាករអង់គ្លេសរូបនេះកំពុងប្រណាំងប្រជែងពិន្ទុជាមួយ Sebastian Vettel ដែលបើកឱ្យក្រុម Scuderia Ferrari ។ មិនត្រឹមតែកំពុងប្រជែងពិន្ទុទេ ពួកគេក៏មានការប៉ះពាក្យសម្ដីគ្នាជាញឹកញាប់ផងដែរ ពោលគឺសូម្បីតែការប្រកួតនៅ Azerbaijan Grand Prix ក៏ត្រូវបានគេមើលឃើញថាកីឡាករ២នាក់នេះមិនត្រូវគ្នាដែរ។

Sebastian Vettel

ដោយការប៉ះគ្នានោះគឺ Vettel បានបើកពីក្រោយឡានរបស់ Hamilton ហើយបានបង្ហាញកាយវិការមិនសមរម្យនោះទេ ទើបបានជាកីឡាករអង់គ្លេសមានការខឹង មិនសប្បាយចិត្ត ហើយបាននិយាយថាបើចង់មានបញ្ហាគួរ មាននៅក្រៅឡានវិញ។ "ប្រសិនបើគាត់ចង់បង្ហាញថាគាត់ជាកូនប្រុស ខ្ញុំគិតថាយើងគួរតែចេញពីឡាន ហើយមកជួបមុខគ្នា១ទល់១តែម្ដងទៅ”។ សម្ដីរបស់លោក Hamilton ។

ក្រោយពីមានការប៉ះគ្នានោះមក ខាងអ្នករៀបចំកម្មវិធីក៏បានមើលវីដេអូឡើងវិញ ហើយមើលឃើញថា Hamilton មិនមានធ្វើអ្វីខុសទេ ហើយពួកគេក៏មិនចង់ឱ្យមានបញ្ហាវែងឆ្ងាយដែរ ពោលគឺកំពុងតែសម្រួលគ្នា ដើម្បីបញ្ចប់រឿងតែម្ដង៕

ចុចអានអត្ថបទបន្ដ៖

ចិន និងសិង្ហបុរី កំពុងជួបបញ្ហា មុនការរៀបចំប្រកួត Formula1 ឆ្នាំក្រោយ

មើលរូបភាពទាំងនេះ បានដឹងថា ឡើងភ្នំឱរ៉ាល់លំបាកយ៉ាងណា!

ប្រភព៖ Dailymail ប្រែសម្រួល៖ មុន្នីរម្យ