អតិថិជន Cellcard ត្អូញរឿងប្រព័ន្ធជាប់គាំងហៅមិនចេញ

2014-11-09 21:26:35
ចំនួនមតិ 0 | ចំនួនចែករំលែក 0

ចន្លោះមិនឃើញ

អតិថិជនប្រព័ន្ធ Cellcard ជាច្រើននាក់បានត្អូញត្អែរ ពីភាពរអាក់រអួល នៃការហៅមិនចេញ ចាប់តាំងពីម៉ោង ១២ ថ្ងៃត្រង់ទី៩ ខែវិច្ឆិកានេះ ដោយមិនដឹងមូលហេតុ។

ស្រ្តីមួយរូបលក់បាយនៅផ្សារអូឫស្សីបានត្អូញថា មិនដឹងជាមូលហេតុអ្វី បានជាទូរសព្ទរបស់អ្នកស្រីហៅមិនចេញទាល់តែសោះ។ ប៉ុន្តែមិនបានប៉ុន្មានផងបុរសម្នាក់ទៀត ដែលអង្គុយក្បែរនោះបានក៏និយាយថា លោកក៏មិនអាចហៅចេញបាន។

ត្រលប់ទៅបុរសពីរនាក់ផេ្សងទៀត ដែលកំពុងហូបការហ្វេបណ្តើរ និងប្រើប្រព័ន្ធ Cellcard ដែរនោះក៏មិនអាចបញ្ចូលលុយបានដែរ។ "កុំថាឡើងហៅចេញសូម្បីតែដាក់លុយក៏មិនបានផង”។ បុរសម្នាក់ ក្នុងចំណោមនោះបន្ថែម។

នៅលើបណ្តាញសង្គម Facebook ឯណោះវិញអតិថិជន អ្នកប្រើប្រព័ន្ធ Cellcardមិនតិចទេក៏មានការរអ៊ូរទាំពីបញ្ហារអាក់រអួលដែលបានកើតឡើងនេះ៕

Sabay នឹងរាយការណ៍បន្ថែម..!