ឆ្ងល់អត់ ម៉េចបានយន្តហោះមួយចំនួនមិនអាចហោះបានពេលអាកាសធាតុក្ដៅខ្លាំង!

2017-06-26 06:37:35
ចំនួនមតិ 0 | ចំនួនចែករំលែក 0

ចន្លោះមិនឃើញ

មានអ្នកធ្លាប់ឆ្ងល់អត់ ហេតុអ្វីបានជាជើងយន្តហោះភាគច្រើនអាចចុះចត ឬហោះហើរចេញពីព្រលានពេលព្រឹកព្រលឹម និងពេលយប់ តែមិនអាចហោះបាននៅពេលអាកាសធាតុក្ដៅខ្លាំង? ថ្ងៃនេះ Sabay សូមបង្ហាញពីមួលហេតុខាងលើនេះជូនប្រិយមិត្ត ទុកជាចំណេះដឹងទូទៅ។

លោក Lou McNally សាស្ត្រាចារ្យផ្នែកឧតុនិយមនៅសាកលវិទ្យាល័យ Embry-Riddle Aeronautical សហរដ្ឋអាមេរិក បានឲ្យដឹងថា នៅពេលអាកាសធាតុក្ដៅខ្លាំង កម្ដៅនៅក្នុងយន្តហោះកើនឡើង វានឹងពង្រីកម៉ូលេគុលនៅខាងក្រោមស្លាបនៃយន្តហោះ។

ប្រសិនបើយន្តហោះខ្នាតតូច ពីឡុត (អ្នកបើកយន្តហោះ) ប្រាកដជាមានតម្រូវការគ្រប់យ៉ាង ដូចជាត្រូវការកម្លាំងខ្យល់រុញពីស្លាបទៅមុខកាន់តែខ្លាំង ត្រូវការរយៈចម្ងាយឆ្ងាយក្នុងការរត់នៃកង់យន្តហោះ ត្រូវការប្រវែងដីឆ្ងាយដើម្បីចុះចត ព្រមទាំងល្បឿនលឿនផងដែរដើម្បីហោះឡើង ជាហេតុធ្វើឲ្យសម្ពាធខ្យល់ក្ដៅខ្លាំង ធ្វើឲ្យយន្តហោះខ្នាតតូចមួយចំនួនពិបាកហោះហើរ និងចុះចត។

កាលពីសប្តាហ៍មុន នៅទីក្រុង Phoenix សហរដ្ឋអាមេរិក មានយន្តហោះមួយចំនួនមិនអាចហោះចេញបាន ដោយសារអាកាសធាតុក្ដៅខ្លាំងកើនដល់ ១២០ អង្សារសេ(ដឺក្រេ)។

ជាធម្មតា យន្តហោះដែលហោះចេញពីព្រលាន និងសំកាំងលើអាកាសបាន ដោយសារលំនឹងនៃតួយន្តហោះ ការវិលនៃកង្ហារផ្នែកខាងក្រោម ធ្វើឲ្យកម្លាំងខ្យល់ធ្វើការផ្លាស់ប្ដូរគ្នា ដោយរុញខ្យល់ខាងក្រោមស្លាបរុញទៅខាងលើ។ សាស្ត្រាចារ្យបញ្ជាក់។

អ្នកបើកយន្តហោះម្នាក់ លោក Patrick Smith បាននិយាយថា កម្ដៅខ្ពស់ មានន័យថា យន្តហោះហោះឡើងនៅអត្រាទាប។

លោកបន្ថែមថា ដើម្បីចុះចតយន្តហោះត្រូវបង្កើនកម្លាំងរុញខ្យល់ ឬ ថាមពលខ្យល់ខ្លាំងដោយស្លាបធំៗទាំងពីរ។ យន្តហោះតូចដែលបង្កើនកម្លាំងខ្យល់រុញតិច ដូចជាប្រភេទ CRJ regional jets របស់ក្រុមហ៊ុន Bombardier ធ្លាប់គាំងស្លាបមិនវិលនៅពេលក្ដៅខ្លាំង ដែលស្ថិតនៅកម្រិតសីតុណ្ហភាព ១១៨ អង្សារសេ(ដឺក្រេ)។

ដោយឡែកនៅព្រលានយន្តហោះអន្តរជាតិ Dubai និង Gulf ដទៃទៀតដែលមានអាកាសធាតុក្ដៅ ចំពោះជើងហោះហើរមួយចំនួនធំ តែងមកដល់នៅពេលយប់ ឬព្រឹកព្រលឹម ដើម្បីបញ្ចៀសបញ្ហាទាំងនេះ។

មួយវិញទៀត ប្រសិនបើយន្តហោះព្យាយាមចេញហោះហើរក្នុងកម្រិតសីតុណ្ហភាពក្ដៅខ្លាំងបែបនេះ វានឹងធ្វើអោយល្បឿនចុះថយ មិនហោះឡើងលើទាន់ពេល និងត្រូវរលត់។ ហើយប្រសិនបើវាព្យាយាមចុះចត នៅពេលខ្យល់មានកម្រិតតិចពេក និងក្ដៅពេក ក៏មិនល្អដែរ ពីព្រោះវាអាចធ្វើអោយម៉ាស៊ីនរលត់ក្នុងពេលហោះហើរ៕