ចាន់ វឌ្ឍនាកា តាំងចិត្តរកគ្រាប់បាល់ឲ្យបាន ពេលជួបវៀតណាម

2017-06-26 07:05:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងកិច្ចសម្ភាសន៍មុនជួបវៀតណាម កីឡាករឆ្នើម ចាន់ វឌ្ឍនាកា បានបង្ហាញឆន្ទៈរបស់ខ្លួនថា នឹងរកគ្រាប់បាល់ឲ្យបាន ទោះបីជាក្រុមគេខ្លាំងយ៉ាងណាក៏ដោយ។ នេះបើតាម Football Tribe Asia។

កម្ពុជា នឹងត្រូវស្វាគមន៍ក្រុមជម្រើសជាតិវៀតណាមនៅថ្ងៃទី ៥ ខែ កញ្ញា ឆ្នាំ ២០១៧ នៅពហុកីឡដ្ឋានជាតិ សម្រាប់ការប្រកួតទី៣ ក្នុងពូល C នៃពាន AFC Asian Cup 2019។ វឌ្ឍនាកា ដែលបានជួយកម្ពុជាឈ្នះអាហ្វហ្គានីស្ថាន កាលពីពាក់កណ្ដាលខែ មិថុនានេះបាននិយាយថា៖ "ខ្ញុំគឺជាអ្នកគាំទ្ររបស់កីឡាករ Le Cong Ving។ វៀតណាមគឺជាក្រុមខ្លាំងមួយ ប៉ុន្តែខ្ញុំនៅតែចង់រកគ្រាប់ ពេលជួបពួកគេ។ ពួកយើងមានកំពុងមានទិសដៅយក៣ពិន្ទុឲ្យបានពីការប្រកួតនេះ"។

ត្បិតតែការប្រកួតនេះនៅវែងឆ្វាយបន្តិច តែកន្លងទៅលោក Leonardo Vitorino គ្រូបង្វឹកក្រុមជម្រើសជាតិកម្ពុជាក៏ធ្លាប់បាននិយាយដែរថា ចំណុចដែលត្រូវប្រុងប្រយ័ត្នខ្លាំងលើក្រុមវៀតណាមគឺខ្សែបម្រើកណ្ដាលទាំងពីររូបរបស់គេ៕