ល្ងាចនេះ U22 កម្ពុជា អាចទប់ U22 មីយ៉ាន់ម៉ាជាប់អត់បើ... ?
- 2017-06-27 23:18:00
- ចំនួនមតិ 0 | ចំនួនចែករំលែក 0
ល្ងាចនេះ U22 កម្ពុជា អាចទប់ U22 មីយ៉ាន់ម៉ាជាប់អត់បើ... ?
ចន្លោះមិនឃើញ
ក្រុមបាល់ទាត់យុវជនក្រោមអាយុ ២២ ឆ្នាំកម្ពុជា នឹងជួបម្ចាស់ផ្ទះក្រុមយុវជនក្រោមអាយុ ២២ឆ្នាំមីយ៉ាន់ម៉ា នាវេលាម៉ោង ៦ល្ងាចនេះនៅទីលាន Thuwunna Stadium ប្រទេសមីយ៉ាន់ម៉ា នៃការប្រកួតលើកទី១ពានរង្វាន់ KBZ Bank Cup 2017។ ចាំអ៊ុតមើលទាំងអស់គ្នាថា តើ U22 កម្ពុជាអាចទប់ម្ចាស់ផ្ទះជាប់អត់បើ U22 មីយ៉ាន់ម៉ាជាក្រុមខ្លាំងជាងគេក្នុងចំណោមក្រុមពីរផ្សេងទៀត?
បើតាមសម្ដីលោក Leonardo Vitorino គ្រូបង្វឹកក្រុម U22 កម្ពុជាបញ្ជាក់យ៉ាងច្បាស់ថា U22 មីយ៉ាន់ម៉ា ជាក្រុមខ្លាំងជាងគេក្នុងចំណោមក្រុមពីរផ្សេងទៀត។ កត្តាដែលលោកគិតថា មីយ៉ាន់ម៉ាខ្លាំងពីព្រោះកីឡាកររបស់ក្រុមនេះបានរស់នៅជាមួយគ្នារហូតដល់ទៅ ៦ឆ្នាំ ហើយពួកគេហាត់រៀន និងសម្រាកជាមួយគ្នា ដែលជាកត្តាធ្វើការលេងមានភាពយល់ចិត្តគ្នាខ្លាំង។
លោកបន្ថែមថា កម្មវិធីប្រកួតពានរង្វាន់នេះលោក នឹងដាក់កីឡាករទាំងអស់ឲ្យបានលេងដូចៗគ្នា ដើម្បីមើលសមត្ថភាពកីឡាករ។ គោមបំណងធ្វើដូច្នេះគឺត្រៀមខ្លួនជ្រើសរើសចូលហ្វឹកហាត់ត្រៀមស៊ីហ្គេមឆ្នាំនេះ និងត្រៀមពាន2018 AFC U-23 Championship qualification ដែលកម្ពុជាធ្វើជាម្ចាស់ផ្ទះនាខែកក្កដា ឆ្នាំ២០១៧ នេះជាដើម។
កម្មវិធីប្រកួត U22 កម្ពុជាថ្ងៃទី២២ ខែមិថុនា ឆ្នាំ២០១៧ ប៉ះក្រុម U22 មីយ៉ាន់ម៉ា ថ្ងៃទី៣០ ខែមិថុនា ប៉ះក្រុម U22 ជប៉ុន (សាកលវិទ្យាល័យ) ថ្ងៃទី២ ខែកក្កដា ប៉ះ U22 ហុងកុង៕