អាមេរិកបញ្ចុះបញ្ចូល គុយវ៉ែត ក្រោមលេសបន្ធូរបន្ថយភាពតានតឹងក្នុងពិភពអារ៉ាប់
- 2017-06-28 04:41:40
- ចំនួនមតិ 0 | ចំនួនចែករំលែក 0
អាមេរិកបញ្ចុះបញ្ចូល គុយវ៉ែត ក្រោមលេសបន្ធូរបន្ថយភាពតានតឹងក្នុងពិភពអារ៉ាប់
ចន្លោះមិនឃើញ
រដ្ឋមន្ត្រីការបរទេសអាមេរិក ជួបពិភាក្សាជាមួយរដ្ឋមន្ត្រីប្រតិបត្តិក្រសួងព័ត៌មានគុយវ៉ែត ដើម្បីបន្ធូរបន្ថយភាពតានតឹងក្នុងពិភពអារ៉ាប់
អារ៉ាប៊ីសាអ៊ូឌីត អារ៉ាប់រួម បារ៉ែន និងអេហ្ស៊ីប ទាមទារឱ្យទួរគី ដកមូលដ្ឋានទ័ពចេញពីទីក្រុង Doha ប្រទេស កាតា
ប្រទេសទាំង៤ ប្រកាសផ្ដាច់ចំណងមិត្តភាពពីកាតា ដោយចោទកាតាថា គាំទ្រពួកសកម្មប្រយុទ្ធរដ្ឋឥស្លាម ISIS
កាតា ច្រានចោលការចោទប្រកាន់ទាំងអស់ និងចាត់ទុកឱសានវាទរបស់ប្រជាជាតិអារ៉ាប់ទាំង៤ ធ្វើឡើងដើម្បីប្រឆាំងអធិបតេយ្យភាពរបស់ខ្លួន
រដ្ឋមន្ត្រីការបរទេសអាមេរិក លោក Rex Tillerson បានជួបពិភាក្សាជាមួយ លោក Sheikh Mohammad Abdullah al-Sabah រដ្ឋមន្ត្រីទីស្ដីការគណៈរដ្ឋមន្ត្រី និងជារដ្ឋមន្ត្រីប្រតិបត្តិក្រសួងព័ត៌មានគុយវ៉ែត ដើម្បីបន្ធូរបន្ថយភាពតានតឹងក្នុងពិភពអារ៉ាប់។
ជំនួបដ៏កម្រនេះ កើតឡើងកាលពីថ្ងៃអង្គារ ក្នុងក្រសួងការពារជាតិអាមេរិក បន្ទាប់ពីប្រជាជាតិធំៗក្នុងតំបន់អារ៉ាប់ មាន អារ៉ាប៊ីសាអ៊ូឌីត អារ៉ាប់រួម បារ៉ែន និងអេហ្ស៊ីបជាដើម បានប្រកាសផ្ដាច់ចំណងមិត្តភាពទាំងស្រុងជាមួយ កាតា ដោយចោទប្រកាន់ប្រទេសមានបំផុតលើលោកមួយនេះ កំពុងគាំទ្រពួកសកម្មប្រយុទ្ធរដ្ឋឥស្លាម ISIS។
ក្រោយពីប្រកាសផ្តាច់ចំណងមិត្តភាពទាំងស្រុងជាមួយកាតា ប្រទេសមានឥទ្ធិពលនៅអារ៉ាប់ទាំង៤នេះ ក៏បានដាក់ឱសានវាទជាច្រើន រាប់បញ្ចូលទាំងការទាមទារឱ្យ ទួរគី ដកមូលដ្ឋានទ័ពរបស់ខ្លួនចេញពីទីក្រុង Doha ប្រទេស កាតា បិទចោលសាខាទូរទស្សន៍ Al Jazeera ទាំងអស់ចេញពីប្រទេសខ្លួន ក៏ដូចជាប្រកាសរឹតត្បិត ចំណងមិត្តភាពជាមួយអ៊ីរ៉ង់ផងដែរ។
ទោះបីជាយ៉ាងណា កាតា បានច្រានចោលការចោទប្រកាន់ទាំងអស់ និងចាត់ឱសានវាទរបស់ប្រទេសអារ៉ាប់ទាំង៤ ធ្វើឡើងក្នុងបំណងប្រឆាំងអធិបតេយ្យភាពរបស់ខ្លួន ទាំងក្នុងតំបន់ឈូងសមុទ្រ និងឆាកអន្តរជាតិ។
ជំនួបរវាងលោក Rex Tillerson និងរដ្ឋមន្ត្រីជាន់ខ្ពស់ប្រទេសគុយវ៉េត ដែលត្រូវគេមើលឃើញជារួមថា ដើម្បីបន្ធូរបន្ថយភាពតានតឹងក្នុងតំបន់អារ៉ាប់នោះ ត្រូវក្រុមអ្នកវិភាគកំពុងបង្ហាញក្តីបារម្ភខ្ពស់ ទៅលើជោគវាសនាប្រទេសកាតា ព្រោះគុយវ៉េត គឺជារដ្ឋសមាជិកក្រុមប្រឹក្សាកិច្ចប្រតិបត្តិការឈូងសមុទ្រ ហៅកាត់ GCC តែមួយគត់ ដែលជំទាស់មិនបោះបង់ កាតា និងព្យាយាម ធ្វើជាអ្នកសម្របសម្រួល ក្នុងជម្លោះការទូតមួយនេះ ខណៈអាមេរិក ជាអ្នកនៅពីក្រោយភាពជ្រួលច្របល់ ក្នុងពិភពអារ៉ាប់ បន្ទាប់ពីលោកប្រធានាធិបតី Donald Trump ប្រកាសឲ្យប្រជាជាតិអ៊ីស្លាមទាំងអស់ក្រោកប្រឆាំងពួកភេរវករ ISIS៕
គ្រូនិយាយពាក្យអង់គ្លេសមិនច្បាស់ ធ្វើឲ្យក្មេងស្រីម្នាក់លោតពីលើស្ពានស្លាប់
មិនគួរជឿ! ទារកអាយុជាង ១ខែ ជួយឪពុកម្ដាយឲ្យគេចផុតពីបាក់ដីសង្កត់ដ៏កាចសាហាវ
តម្រូវការលំនៅដ្ឋាននៅទីប្រជុំជននឹងកើនដល់ ៨០ម៉ឺនខ្នង នៅឆ្នាំ២០៣០