មកដឹងតម្លៃ Meizu Pro 7 និង Pro 7 Plus កាមេរ៉ាភ្លោះ មុនថ្ងៃប្រកាសចេញ

2017-06-30 03:47:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនពីរម៉ូឌែលថ្មីរបស់ Meizu គឺ PRO 7 និង PRO 7 Plusដែលត្រៀមប្រកាសចេញនេះអាចនឹងធ្វើឡើងនៅថ្ងៃទី ២៦ ខែកក្កដាខាងមុខនេះ។ យោងតាមគេហទំព័រ Gsmarena ។

រូបរាងគំរូ Meizu PRO 7

តាមរយៈព័ត៌មានបែកធ្លាយ ស្មាតហ្វូនទាំងពីរម៉ូឌែលអាចមានទំហំ RAMពីរជម្រើសគឺ Meizu PRO 7 អាចនឹងប្រកាសចេញលក់ក្នុងតម្លៃខ្ទង់ **៤០៩ ដុល្លារ(4GB)** និង **៤៨២ ដុល្លារ(6GB)** ចំណែក Meizu PRO 7 Plus អាចនឹងមានតម្លៃខ្ទង់ **៤៨២ ដុល្លារ(4GB)** និង **៥៥៥ ដុល្លា(6GB)។**

Meizu PRO 7 រូបភាពបែកធ្លាយ

ចំពោះ Meizu PRO 7 អាចបំពាក់មកជាមួយអេក្រង់ទំហំ ៥,២ អ៊ីញ បង្ហាញបានរូបភាពក្នុងកម្រិត FulHD(1080x1920ភិចសែល) ប្រភេទ Super AMOLED និងមានភ្ជាប់មកបច្ចេកវិទ្យាអេក្រង់ Corning Gorilla Glass5 ឯ PRO 7 Plus មានអេក្រង់ធំជាងបន្តិចពោលគឺ ៥,៥ អ៊ឺញ ជាមួយនឹង

បំពាក់ RAM ៦GBប្រើបន្ទះឈីបប្រភេទ MediaTek Helio X30
កាមេរ៉ាភ្លោះក្រោយ ១២ មេហ្គាភិចសែល
ពណ៌៖ ខ្មៅ មាស ប្រាក់ និងពណ៌ផ្កាឈូក
ដើរដោយប្រព័ន្ធប្រតិបត្តិជំនាន់ ៦ Marshmallow

រូបរាងគំរូ Meizu PRO 7 Plus

ស្មាតហ្វូនទាំងពីរនេះ អាចនឹងបំពាក់មកជាមួយទំហំផ្ទុកទិន្នន័យ 64GB ចំពោះ RAM 4GB និង 128GB ចំពោះ RAM 6GB តែគ្មានរន្ធបន្ថែមមេម៉ូរីកាតទេ ដូចនេះ ដើម្បីចង់ដឹងច្បាស់ អ្នកទាំងអស់គ្នាអាចរង់ចាំមើលការប្រកាសចេញផ្លូវការនៅខែក្រោយ៕

អានបន្ត៖

ប្រភព៖ GSMarena | Playfuldroid ប្រែសម្រួល៖ រក្សា