កូនសិស្ស G-Devith ចូលហង្សមាសផ្លូវការហើយ?

2017-06-30 00:08:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បទថ្មី "ផ្លូវជីវិត" របស់ ទេព បូព្រឹក្ស ដែលទើបតែចេញ Teaser MV នាពេលថ្មីៗនេះ បានធ្វើឲ្យមានការលើកឡើងថា ប្អូនប្រុសបង្កើតរបស់នាង ចូលហង្សមាសជាផ្លូវការហើយ ព្រោះក្នុងវីដេអូចម្រៀងបានបង្ហាញថា បទនេះនិពន្ធទំនុកភ្លេង និងទំនុកច្រៀងដោយ ទេព និមិត្ត ផ្ទាល់តែម្ដង។

ក្នុងនោះ ទេព និមិត្ត ដែលជាកូនសិស្ស G-Devith ប្រាប់ Sabayថា ការពិតរូបលោកមិនទាន់បានចូលផលិតកម្មនោះទេ ពោលគឺគ្រាន់តែនិពន្ធឲ្យបងស្រីច្រៀងជាលក្ខណៈឯករាជ្យសិន។

ប្អូនប្រុសតែមួយរបស់ បូព្រឹក្ស បញ្ជាក់ថា៖ "គិតមកដល់ពេលនេះ ខ្ញុំនិពន្ធចម្រៀងឲ្យបងស្រីខ្ញុំបាន១០បទហើយ ដើម្បីឲ្យគាត់ច្រៀងក្នុងផលិតកម្ម ហង្សមាស។ តែខ្ញុំធ្វើនេះ គ្រាន់តែជា Freelancer ប៉ុណ្ណោះ មិនមែនធ្វើការក្នុងផលិតកម្មទេ ហើយចំពោះតម្លៃដែលហង្សមាសឲ្យខ្ញុំក្នុងមួយបទៗខ្ញុំសុំមិនបញ្ចេញ"។

ពន្លកថ្មី ក្នុងវិស័យតែងនិពន្ធនេះ រូបនេះអះអាងថា ថ្វីបើលោកនិពន្ធបានចម្រៀងថ្មី១០បទពិតមែន តែលោកមកដល់ពេលនេះ បទទាំងនោះទើបតែចេញបាន២បទប៉ុណ្ណោះ គឺបទ "ធម្មតា ធម្មតា" និង "ផ្លូវជីវិត" នេះ ឯបទជាច្រើនផ្សេងទៀតដូចជា "Turn It Up" ក៏ត្រៀមចេញជាបន្តបន្ទាប់ក្នុងពេលឆាប់នេះដែរ៕

អត្ថបទ៖ សុខណា