មិននឹកស្មាន! ក្រុមហ៊ុនចិននេះ ដើរបានមុន Apple ទៀត

2017-06-29 01:45:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងកម្មវិធី MWC ដែលចាប់ផ្ដើមធ្វើឡើងនាទីក្រុងសៀងហៃកាលពីម្សិលមិញ ក្រុមហ៊ុនទូរសព្ទចិន Vivo បានបង្ហាញចេញស្មាតហ្វូនគំរូដែលផលិតឡើងដោយប្រើបច្ចេកវិទ្យា Ultrasonic Scanner ថ្មីបំផុតរបស់ Qualcomm។

ផលិតផលគំរូដែល Vivo បង្ហាញឡើងគឺជាស្មាតហ្វូនម៉ូដែល Xplay6 ដោយប្រើបច្ចេកវិទ្យាខាងលើរបស់ Qualcomm គេអាចបំពាក់ទ្រនាប់ស្កេនក្រយៅដៃក្រោមផ្ទៃអេក្រង់ខាងមុខរបស់ស្មាតហ្វូនបាន។ ក្រុមការងាររបស់សារព័ត៌មាន Engadget អាចមានឱកាសបានសាកផលិតផលគំរូនេះ ហើយយោងតាមការរាយការណ៍របស់ពួកគេឲ្យដឹងថាបច្ចេកវិទ្យានេះដំណើរការល្អគួរសម គ្រាន់តែមានបញ្ហាល្បឿនបន្តិចបន្តួច។

ត្បិតថា Vivo ជាក្រុមហ៊ុនដំបូងបានបង្ហាញចេញផលិតផលគំរូដែលអាចដំណើរការបានដូចនេះ ប៉ុន្តែគ្មានការធានាថាយើងនឹងអាចឃើញស្មាតហ្វូនដែលបំពាក់ទ្រនាប់ស្កេនក្រយៅដៃក្រោមផ្ទៃអេក្រង់ក្នុងពេលឆាប់ៗខាងមុខនេះឡើយ។ តាមការប្រកាសរបស់ Qualcomm បញ្ជាក់ថាបច្ចេកវិទ្យាដែលអាចបង្កប់ទ្រនាប់ស្កេនក្រយៅដៃក្រោមអេក្រង់នេះនឹងចាប់ផ្ដើមបញ្ចេញទៅឲ្យក្រុមហ៊ុនទូរសព្ទដទៃដើម្បីធ្វើការវាយតម្លៃនៅត្រីមាសទី ៤ ឆ្នាំនេះ។ ដូចនេះគូប្រជែងធំដូចជា Apple ជាដើមអាចមានឱកាសបញ្ចេញលក់ស្មាតហ្វូនដែលមានបច្ចេកវិទ្យានេះបានមុនគេ។

រំលឹកថាចចាមអារ៉ាមកន្លងមកបានលើកឡើងដូចៗគ្នាថា iPhone 8 នឹងលែងមានប៊ូតុង Home ហើយនឹងមានទ្រនាប់ស្កេនក្រយៅដៃបំពាក់ក្រោមអេក្រង់ផ្ទាល់៕

ចុចអាន៖

ប្រភព៖ PhoneArena ប្រែសម្រួល៖ សុខហេង