ទឹម រដ្ឋា ល្បីមាននិស្ស័យជាមួយបុរសបរទេស ចុះប្រុសខ្មែរវិញនាងធ្លាប់មានអត់?

2017-06-29 03:47:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាកន្លងមក ទឹម រដ្ឋា ធ្លាប់សារភាពថាមាននិស្ស័យជាមួយបុរសបរទេសក្ដី តែនាងក៏ធ្លាប់ឆ្លងកាត់ស្នេហាជាមួយប្រុសខ្មែរផងដែរ មុនជួបស្នេហ៍ទី២ ទី ៣ ជាមួយកំលោះសង្ហារដែលមកពីក្រៅប្រទេស។

ទឹម រដ្ឋា បានប្រាប់Sabay ថា បុរសជាជនជាតិខ្មែរ ដែលនាងធ្លាប់បង្កាត់ភ្លើងស្នេហ៍ជាមួយគ្នាកន្លងមក មិនមែនជាអ្នកសិល្បៈដូចនោះទេ បុរសម្នាក់នោះគឺជាអ្នករកស៊ីម្នាក់នៅទីក្រុងភ្នំពេញ។ ក្រោយពីប្រើពេលវេលាមើលចិត្តថ្លើមគ្នា និងបុរសខ្មែរបានមួយរយៈធំឃើញថា មិនអាចចុះសម្រុងគ្នា ទើបតួអង្គកាចឆ្នាសឆ្នើមក្នុងរឿង "ម្ទេសហឹរប៉ះអំបិលប្រៃ" សម្រេចចែកផ្លូវគ្នាដើររៀងៗខ្លួនតែម្ដងទៅ។

“បុរសជនជាតិបរទេស និងជនជាតិខ្មែរ មានចរិតលក្ខណៈខុសគ្នាបន្តិចបន្តួចទេ តែប្រហែលជានិស្ស័យហើយទើបខ្ញុំជួបស្នេហ៍ជាមួយតែបុរសបរទេស។ កន្លងមកខ្ញុំក៏ធ្លាប់មានស្នេហាជាមួយបុរសខ្មែរដែរ តែមកពីពួកយើងមិនចុះសម្រុងគ្នាក៏ចែកផ្លូវគ្នាតែម្ដងទៅ"។ ទឹម រដ្ឋា ថ្លែង។

ចំណែកឯស្នេហាទី៣ជាមួយលោក Jovany Antonio ដែលជាជនជាតិអាមេរិក រដ្ឋា មិនទាន់ប្រាកដក្នុងចិត្តថាជាស្នេហាចុងក្រោយ ឬ យ៉ាងណានោះទេ ព្រោះពេលវេលាទៅថ្ងៃខាងមុខទៀតមិនអាចមើលដឹងឡើយ ថាអាចមានអ្វីកើតឡើងទៀត៕