Drone​ ​បំពាក់​កាមេរ៉ា​ ​បាន​ក្លាយ​ជា​ឧបករណ៍​ពេញ​និយម​បំផុត​សម្រាប់​ការ​ថត​រូប​ពី​លើ​អាកាស​ ​ហើយ​គិត​ក្នុង​ឆ្នាំ​ ​២០១៦​ ​លក់​បាន​ដល់​ទៅ​ ​២,២​ ​លាន​គ្រឿង​ ​(គិត​តែ​ម៉ាក​ធំ​ៗ)​ ​ហើយ​រំពឹង​បាន​ដល់​ ​៣​ ​លាន​គ្រឿង​ក្នុង​ឆ្នាំ​ ​២០១៧​ ​ជា​មួយ​ទំហំ​ទឹក​ប្រាក់​ប្រមាណ​ ​១១,៦​ ​លាន​ដុល្លារ។ ក្នុង​នោះ​ ​សម្រាប់​ប្រិយមិត្ត​ដែល​ចង់​ប្រើប្រាស់​ ​Drone​ ​ឲ្យ​ស្រប​តាម​បច្ចេកទេស​ត្រឹម​ត្រូវ​ ​គួរ​អនុវត្ត​តាម​ចំណុច​ខាង​ក្រោម​នេះ ៖

• ប្រើប្រាស់​ ​MicroSD Card​ ​ដែល​មាន​គុណភាព

ការ​ប្រើប្រាស់​មេម៉ូរី​ ​MicroSD​ ​សម្រាប់​ ​Drone​ ​គឺ​ត្រូវ​ប្រើ​ផលិត​ផល​ដែរ​មាន​គុណភាព​ ​ជា​ពិសេស​ផលិត​តាម​បច្ចេកទេស​ ​ដែល​មាន​ម៉ាក​ត្រឹមត្រូវ។ ពេល​ហោះ​ក្នុង​រយៈកម្ពស់​ខ្ពស់​ ​ការ​រក្សា​ទិន្នន័យ​ក្នុង​មេម៉ូរី​កាត​ ​គឺ​រង​សម្ពាធ​ខ្លាំង​ជាង​ប្រើ​ជា​មួយ​កាមេរ៉ា​ថត​ធម្មតា​ ​ដែល​ឆាប់​ឡើង​កម្ដៅ​ ​ហើយ​ប្រសិន​មេម៉ូរី​មិន​ល្អ​ ​គឺ​មិន​អាច​រក្សា​ទិន្នន័យ​វីដេអូ​ ​ឬ​រូបភាព​បាន​ល្អ​នោះ​ទេ។

* **ត្រូវ​ដឹង​ពី​ទិស​ដៅ​ ​និង​តំបន់​ដែល​ត្រូវ​ហោះហើរ**

Drone​ ​ភាគ​ច្រើន​ ​គឺ​នៅ​មាន​គុណវិបត្តិ​ត្រង់​បញ្ហា​ថ្ម​ប្រើ​ឆាប់​អស់​ ​ដូច​នេះ​មុន​ហោះហើរ​ ​ត្រូវ​កំណត់​គោលដៅ​ឲ្យ​បាន​ច្បាស់លាស់​ ​ដើម្បី​ប្រាកដ​ពី​សុវត្ថិភាព​របស់​ ​Drone​ ​និង​មិន​ខាត​ពេល​អ្នក​ប្រើប្រាស់។ លើស​ពី​នេះ​ ​មុន​ហោះ​ត្រូវ​ មើល​ពី​តំបន់​នោះ​ ​តើ​មាន​ឧបសគ្គ​ច្រើន​ដែល​អាច​បង្ក​ជា​ឧបទ្ទវហេតុ​រំខាន​ដល់​ ​Drone​ ​ដែរ​ឬ​ ​ទេ​ ​ឧទាហរណ៍​ ​៖​ ​ខ្សែ​ភ្លើង​ ​និង​អគារ​នានា។ ចំណុច​ចាំបាច់​ផ្សេង​ទៀត​ ​គឺ​មិន​គួរ​ហោះ​បញ្ច្រាស​ថ្ងៃ​ពេល​ពន្លឺ​ខ្លាំង​នោះ​ទេ​ ​ព្រោះ​ ​Drone​ ​នឹង​ឆាប់​ឡើង​កម្ដៅ​ ​ហើយ​ក៏​មិន​គួរ​ហោះ​ពី​លើ​ផ្ទៃ​ទឹក​ ​(ទន្លេ​ ​ឬ​សមុទ្រ)​ ​ព្រោះ​ថា​អាច​ធ្វើ​ឲ្យ​ពិបាក​ក្នុង​ការ​បញ្ជា​ ​(ខ្សែ​សេវា​ ​GPS)។

• ដឹង​ច្បាស់​ពី​ច្បាប់​ហោះហើរ​ ​Drone

សឹង​តែ​គ្រប់​ប្រទេស​ជុំវិញ​ពិភពលោក​ ​Drone​ ​ត្រូវ​បាន​គេ​កំណត់​មិន​ឲ្យ​ហោះហើរ​ក្នុង​តំបន់​មួយ​ចំនួន​ ​ជា​ពិសេស​កន្លែង​សំខាន់​ៗ​ដូចជា​វិមាន​រដ្ឋាភិបាល​ ​ព្រះបរមរាជវាំង​ ​និង​ព្រលាន​យន្តហោះ​ ​តែ​បើ​ចង់​ហោះ​ ​លុះ​ត្រា​តែ​មាន​ការ​អនុញ្ញាត​ពី​អាជ្ញាធរ៕

ចុចអានបន្ត ៖

• ៤ រឿង​គួរ​ដឹង​ពី​ខ្សែ​កាប​បាត​សមុទ្រ​​ដែល​តភ្ជាប់អ៊ីនធឺណិត​​ជុំវិញ​ពិភពលោក
• ​ប្រើ​តែ​កាមេរ៉ា​ទូរសព្ទ​ក៏​អាច​ថត​ម៉ូដែល​រថយន្ត​បាន​ស្អាត​ដែរ បើ​រៀន​តាម​នេះ

ប្រភព៖ Camerajabber   ប្រែសម្រួល ​៖ ប៊ុន ធឿន