Facebook តេស្តយន្តហោះចែកអ៊ីនធឺណិតជុំវិញពិភពលោកបានដោយជោគជ័យ

2017-07-04 03:35:02
ចំនួនមតិ 0 | ចំនួនចែករំលែក 0

ចន្លោះមិនឃើញ

យន្តហោះ Drone ដើរដោយថាមពលពន្លឺព្រះអាទិត្យរបស់ Facebook ដែលថ្ងៃមួយអាចនឹងចែកចាយអ៊ីនធឺណិតបានពេញពិភពលោកនោះ បានបញ្ចប់ការហោះហើរសាកល្បងរបស់ខ្លួនបានដោយជោគជ័យហើយ។

ផែនការយូរអង្វែងរបស់លោក Mark Zuckerberg នាយកប្រតិបត្តិ Facebook សម្រាប់ដ្រូនឈ្មោះ Aquila នេះគឺរំពឹងថានឹងអាចផ្ដល់សេវាអ៊ីនធឺណិតដល់ប្រជាជនចំនួន ៤ ពាន់លាននាក់លើពិភពលោក ដែលមិនមានអ៊ីនធឺណិតប្រើ។ Mark បានសរសេរលើ Facebook ថា ៖ "ពេលដែល Aquila រួចរាល់វានឹងអាចបាញ់សេវាអ៊ីនធឺណិតជុំវិញពិភពលោកបាន”។

រំលឹកថាដ្រូននេះធ្លាប់ហោះហើរសាកល្បងម្ដងតែមិនបានបញ្ចប់ដោយជោគជ័យឡើយ ពោលធ្លាប់បានធ្លាក់នៅពេលហោះហើរសាកល្បងលើកដំបូងនៅខែធ្នូ ឆ្នាំមុន។ ការហោះហើរនេះជាលើកទីពីរដោយបានបញ្ចប់ទៅកាលតាំងពីខែឧសភា ក្នុងតំបន់ Yuma Proving Ground សហរដ្ឋអាមេរិក ហើយបានស្ថិតនៅលើអាកាសរយៈពេល ៤៦ នាទី និង ហោះបានកម្ពស់ជិត ១ គ.ម។

Aquila មានទម្ងន់ប្រមាណ ៤៥០ គីឡូក្រាម និង ប្រវែងស្លាបវែងជាងយន្តហោះ Boeing 747 ទៅទៀត។ វាអាចហោះហើរបានដោយស្វ័យប្រវត្តិដោយគ្មានមនុស្សនៅពីក្នុងយន្តហោះឡើយ ប៉ុន្តែមានក្រុមការងារនៅខាងក្រោមចាំត្រួតពិនិត្យដំណើរការផងដែរ៕

ចុចអាន៖

ប្រភព៖ theguardian ប្រែសម្រួល៖ សុខហេង