សម្រស់ ហាន់ ជីអ៊ុន ពីក្មេងមានសាច់ទ្រលុកទ្រលន់ ក្លាយជាស្រីស្អាត សម្រស់មិនចេះចាស់

2017-07-07 07:17:02
ចំនួនមតិ 0 | ចំនួនចែករំលែក 0

ចន្លោះមិនឃើញ

អនាគតភរិយារបស់តារាសម្ដែង Song Joong Ki តារាស្រីដ៏ក្រមិចក្រមើម Song Hye Kyo ត្រូវបានចាត់ទុកថាជាស្រីស្អាតក្នុងចំណោម តារាលំដាប់ប្រទេសជាច្រើនទៀត ដែលធ្វើឲ្យអ្នកគាំទ្របុរសៗលង់ស្នេហ៍មិនតិចទេ។

តារាស្រីវ័យរូបនេះកើតឆ្នាំ ១៩៨១ ក្នុងទីក្រុង Daegu ប្រទេសកូរ៉េខាងត្បូង។ អ្វីដែលគួរឲ្យសោកស្ដាយ គឺឪពុកម្ដាយរបស់នាង បានលែងលះគ្នា ជាហេតុនាងរស់នៅក្រោមការបីបាច់ថែរក្សាពីម្ដាយ។

បកមកជីវិតក្នុងសិល្បៈវិញ Hye Kyo ឬ ហាន់ ជីអ៊ុន បានទទួលជយលាភីក្នុងកម្មវិធីប្រកួតប្រជែងការបង្ហាញម៉ូដ នៅឆ្នាំ ១៩៩៦។ នាងចាប់ផ្ដើមប្រឡូកក្នុងការសម្ដែងតាំងពីឆ្នាំ ១៩៩៥ ដែលកាលពីពេលនោះ នាងជាក្មេងស្រីមានសាច់ទ្រលុកទ្រលន់ម្នាក់ គួរឲ្យស្រលាញ់។

រហូតដល់ឆ្នាំ ២០០០ នាងចាប់ផ្ដើមមានមហាជនស្គាល់ច្រើន នៅពេលសម្ដែងរឿងភាគបែបមនោសញ្ចេតនា "Autumn In My Heart” ជាមួយគ្នានោះ សម្រស់របស់តារាស្រីរូបនេះក៏ចាប់ផ្ដើមលេចធ្លោបន្តិចម្ដងៗ ទាក់ចិត្តអ្នកគាំទ្រច្រើនគួរសមដែរ។

អ្វីដែលរឹតតែធ្វើឲ្យស្រីស្អាត Hye Kyo ល្បីខ្លាំងពាសពេញទ្វីបអាស៊ីនោះ គឺនៅពេលនាងសម្ដែងជាតួ "ហាន់ ជីអ៊ុន" ក្នុងរឿង "Full House”។ រឿងនេះដែរក៏បានលើកមកបញ្ចាំងក្នុងប្រទេសកម្ពុជា ដោយដាក់ចំណងជើងថា "បំណុលផ្ទះជំពាក់ស្នេហ៍"និងទទួលការគាំទ្រខ្លាំងនឹកស្មានមិនដល់។

រហូតឆ្នាំ ២០១៦ នាងបានចាប់ដៃគូជាមួយ លោក Song Joong Ki ក្នុងរឿង "Descendants of the Sun”។ តាមរយៈរឿងនេះភាពល្បីល្បាញរបស់នាង កាន់តែផ្ទុះខ្លាំង ព្រោះទាំងសាច់រឿង ទាំងការសម្ដែង ជាពិសេសដៃគូ ពិតជាស័ក្ដិសមឥតខ្ចោះ និងពិសេសបំផុត។

ពីមួយឆ្នាំ ទៅមួយឆ្នាំអាយុរបស់ ហាន់ ជីអ៊ុន កាន់តែកើនឡើង ប៉ុន្តែសម្រស់របស់នាងហាក់មិនចាស់សោះ ផ្ទុយពីនោះនាងកាន់តែមានរូបសម្រស់ស្រស់ស្អាត ជាក្ដីប្រាថ្នារបស់បុរសៗជាច្រើន។