ស្ពានលើសមុទ្រវែងបំផុត ចំណាយពេលសាងសង់ ជិត១ទសវត្សរ៍ ជិតរួចរាល់ហើយ!

2017-07-08 08:36:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ការស្ថាបនាស្ពាននៅលើសមុទ្រ ដែលមានប្រវែងវែងបំផុតនៅលើពិភពលោក តភ្ជាប់ទីក្រុងហុងកុង (Hong Kong) ហ្ស៊ូហៃ (Zhuhai) និង ម៉ាកាវ (Macao) ឥឡូវនេះជិតរួចរាល់ហើយ។

បន្ទាប់ពីការសាងសង់អស់រយៈពេល ៧ ឆ្នាំមក ស្ពានប្រវែង ៥៥ គីឡូម៉ែត្រនេះ នឹងត្រូវបើកដំណើរការនៅចុងឆ្នាំ ២០១៧ នេះតែម្ដង។ នេះបើតាមការបញ្ជាក់ឲ្យដឹងពី លោក Zhu Yongling នាយកការិយាល័យគ្រប់គ្រងស្ពាន។

ស្ពានលើសមុទ្រវែងបំផុតនេះ នឹងកាត់បន្ថយពេលវេលាធ្វើដំណើរ ពីទីក្រុងហុងកុង ទៅកាន់ទីក្រុងហ្ស៊ូហៃ ពីរយៈពេល ៣ ម៉ោង មកត្រឹមតែ ៣០ នាទីប៉ុណ្ណោះ។ វាប្រើប្រាស់ដែកថែប ចំនួន ៤២០ ០០០ តោន ដែលអាចសាងសង់ ប៉ម Eiffel Towers ចំនួន ៦០ ឯណោះ និងចំណាយអស់ទឹកប្រាក់ចំនួន ១៥ ពាន់លានដុល្លារអាមេរិក។

គួរឲ្យដឹងថា ការសាងសង់ស្ពានមួយខ្សែនេះ បានចំណាយទាំងថវិកា ពេលវេលា និងជីវិតមនុស្សផងដែរ។ រហូតមកដល់ពេលនេះ មានកម្មករចំនួន ៧ នាក់ហើយបានស្លាប់បាត់បង់ជីវិត និង ១២៩ នាក់ផ្សេងទៀតបានរងរបួស ចាប់តាំងពីការសាងសង់បានដំណើរ នៅក្នុងឆ្នាំ២០១១ មក។ ជនរងគ្រោះភាគច្រើន រអិល ឬធ្លាក់ពីលើទីខ្ពស់ចុះមក៕