ស្មាតហ្វូនល្អឥតខ្ចោះ មាន ១២ ចំណុចនេះ
- 2017-07-09 04:36:28
- ចំនួនមតិ 0 | ចំនួនចែករំលែក 0
ស្មាតហ្វូនល្អឥតខ្ចោះ មាន ១២ ចំណុចនេះ
ចន្លោះមិនឃើញ
លើទីផ្សារបច្ចុប្បន្ននេះមានស្មាតហ្វូនកំពូលៗជាច្រើនដែលសុទ្ធតែមានចំណុចខ្លាំងរៀងខ្លួន ប៉ុន្តែបើសិនយកចំណុចខ្លាំងរបស់ស្មាតហ្វូនទាំងនេះមកលាយបញ្ចូលគ្នានោះនឹងទទួលបានស្មាតហ្វូនដែលល្អឥតខ្ចោះជាទីបំផុត។
@ មានការរចនាអេក្រង់ដូច Xiaomi Mi Mix
ប្រៀបនឹង Galaxy S8 ឃើញថា Mi Mix មានគែមអេក្រង់ស្អាតជាង ជាពិសេសផ្នែកខាងលើដែលមិនមានគែមអេក្រង់សោះ ដោយគែមអេក្រង់ត្រូវបានប្រមូលផ្ដុំមកស្ថិតនៅផ្នែកខាងក្រោមវិញ។
@ ពីក្រោយរលោងស្រិលដូច iPhone 7 Jet Black
ជម្រើសពណ៌ Jet Black លើ iPhone 7 គឺជាជម្រើសដ៏ល្អឥតខ្ចោះមួយក្នុងចំណោមពណ៌ស្មាតហ្វូនទាំងឡាយ។
@ អេក្រង់កម្រិត 4K របស់ Sony XZ Premium
XZ Premium ជាស្មាតហ្វូនមានអេក្រង់ 4K HDR ដំបូងដែលអាចបង្ហាញរូបភាពបានច្បាស់ត្រជាក់ភ្នែកដូចទូរទស្សន៍អ៊ីចឹង។
@ កាមេរ៉ាខ្លាំងដូច Galaxy S8
ត្បិតថា Galaxy S8 មិនមានកាមេរ៉ាភ្លោះដូច iPhone 7 Plus ឬ One Plus 5 ប៉ុន្តែសមត្ថភាពកាមេរ៉ាទោលរបស់វាមិនសរសើរគឺមិនបាន។ ទោះមិនមានកាមេរ៉ាភ្លោះប៉ុន្តែ S8 ក៏អាចថតរូបភាពបែប Portrait Mode បានដែរ។
@ មានទ្រនាប់ស្កេនក្រយៅដៃដូច OnePlus 5
ទីមួយទ្រនាប់ស្កេនរបស់ OnePlus 5 មានទីតាំងនៅខាងមុខ ងាយស្រួលស្កេនជាងទ្រនាប់ស្កេនដែលនៅខាងក្រោយទូរសព្ទ។ មិនតែប៉ុណ្ណោះ OnePlus 5 អាចស្កេនក្រយៅដៃបានរហ័ស និង មិនរអាក់រអួលឡើយ។
@ អាចធន់នឹងទឹកដូច Galaxy S8 ឬ LG G6
ស្មាតហ្វូនអាចធន់នឹងទឹកគឺជាចំណុចល្អមួយ ដោយមិនបាច់ព្រួយថាអាចនឹងខូចពេលធ្លាក់ចូលទឹកនោះទេ។ បច្ចុប្បន្ននេះស្មាតហ្វូនកំពូលដែលអាចធន់នឹងទឹកបានល្អជាងគេរួមមាន S8 និង LG G6 ដែលមានកម្រិតការពារ IP68 ខ្លាំងជាង iPhone 7 មានត្រឹម IP67 តែប៉ុណ្ណោះ។
@ មាន Launcher ជំនាន់ចុងក្រោយដូច Google Pixel
និយាយពីស្មាតហ្វូន Android Google Pixel គឺខ្លាំងជាងគេ ដោយសារមានប្រព័ន្ធប្រតិបត្តិជំនាន់ចុងក្រោយដំឡើងមកស្រាប់ ហើយ Launcher របស់វាមានសភាពស្អាត ងាយស្រួលប្រើ។
@ RAM ដូច OnePlus 5
RAM ទំហំ 8 GB លើ OnePlus 5 អាចជួយបង្កើនល្បឿនដល់ការប្រើប្រាស់ប្រចាំថ្ងៃបានកាន់តែប្រសើរជាងមុន ព្រោះថាអាចរក្សាទុកកម្មវិធីឲ្យដំណើរការលើ RAM បានច្រើន។ ដូចនេះពេលចង់បើកកម្មវិធីណាឡើងវិញមានសភាពលឿន។
@ ឈីបដូច iPhone 7/7 Plus
ឈីប A10 ដែលបំពាក់លើ iPhone 7/7 Plus មានសមត្ថភាពខ្លាំងមិនធម្មតា ដោយអាចយកឈ្នះឈីប Snapdragon 835 ជំនាន់ចុងក្រោយបំផុតរបស់ Qualcomm បាន។
@ សាកថ្មបានលឿនដូច OnePlus 5
មុខងារ Dash Charging ដែលមានលើ OnePlus 5 មិនត្រឹមតែអាចសាកបញ្ចូលថាមពលបានលឿនប៉ុណ្ណោះទេ តែថែមទាំងជួយកុំឲ្យទូរសព្ទឡើងកម្ដៅពេលសាកថ្មទៀតផង។
@ ថ្មធំដូច Zenfone 3 Max
ប្រសិនបើ iPhone 7 ឬ Galaxy S8 មានថាមពលថ្មធំដល់ ៤១០០ mAh ដូចជា Zenfone 3 Max នោះនឹងអាចប្រើបានយូរដល់ ២ ឬ ៣ ថ្ងៃឯណោះ។
@ តម្លៃដូច OnePlus 5
ចំណុចសំខាន់ចុងក្រោយគឺតម្លៃនេះហើយ ប្រសិនបើស្មាតហ្វូនកំពូលៗមានតម្លៃធូរថ្លៃដូចជា OnePlus 5 ច្បាស់ជាល្អមិនខានទេ។ OnePlus 5 មានសមត្ថភាពខ្លាំងប៉ុន្តែតម្លៃរបស់វាមានត្រឹម ៤៧០ ដុល្លារ ប៉ុណ្ណោះ (តម្លៃទីផ្សារបរទេស)៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
