ប្រយ័ត្ន! កុមារជាបងប្អូនចូលងូតទឹកក្នុងបន្ទប់ទឹកខ្លួនឯង បែរជួបគ្រោះថ្នាក់មិននឹកស្មាន

2017-07-10 04:52:43
ចំនួនមតិ 0 | ចំនួនចែករំលែក 0

ចន្លោះមិនឃើញ

កុមារតូចៗ២នាក់ ចូលងូតទឹក និងបានឈោងចាប់ឡាបូទឹក ស្រាប់តែបែករបួសធ្ងន់ធ្ងរ
ឧបទ្ទវហេតុកើតឡើងនៅទីក្រុងកូឡាឡាំពួរ
បន្ទាប់ពីវះកាត់អស់ជាច្រើនម៉ោងពីព្រឹកទល់យប់កុមារបានធូរច្រើនហើយ

កុមារតូចៗជាបងប្អូននឹងគ្នា ២នាក់ បានជួបឧបទ្ទវហេតុបាក់ឡាបូលាងដៃ ខ្ទាតត្រូវបន្ទាប់ពីចូលទៅងូតទឹកក្នុងបន្ទប់ទឹកខ្លួនឯង ក្នុងប្រទេសម៉ាឡេស៊ី កាលពីពេលថ្មីៗនេះ។

កុមារាជាបងអាយុ ៦ឆ្នាំ ឈ្មោះ Darwisy និងប្អូនប្រុសឈ្មោះ Adam បានចូលងូតទឹកក្នុងបន្ទប់ទឹក រួចស្រវាហក់តោងឡាបូលាងដៃ ស្រាប់តែឡាបូប្រេះបែកខ្ទាតមុតក្មេងទាំងពីរនាក់យ៉ាងធ្ងន់ធ្ងរ។

គ្រោះថ្នាក់បានកើតឡើងកាលពីវេលាម៉ោង ១១ព្រឹកថ្ងៃទី ៦ កក្កដា នៅសង្កាត់ Kementah ទីក្រុងកូឡាឡាំពួរ។ បន្ទាប់ពីកើតហេតុ កុមារទាំងពីរត្រូវគេដឹងថា ពិតជាបានចូលងូតទឹក ហើយកូនបងគេបានតោងឡាបូ ជាអកុសលបំណែកឡាបូលាងដៃ បានខ្ទាតត្រូវចាក់សាច់កុមារស្រស់ៗតែម្ដង។

ចំណែកម្ដាយរបស់ក្មេងបានឮសំឡេងកូនខ្លួនស្រែកយំខ្លាំងចេញពីបន្ទប់ទឹក បានរត់ទៅមើលក៏ឃើញគ្រោះថ្នាក់បែបនេះទៅ។ ក្រោយជួយសង្គ្រោះតាមរយៈការវះកាត់ រហូតដល់វេលាម៉ោង ១០យប់ ក្មេងទាំងពីរបានធូរស្រាលច្រើនហើយ។

នេះជារឿងរ៉ាវគួរប្រុងប្រយ័ត្នមួយសម្រាប់ឪពុកម្ដាយគ្រប់រូប ដែលតែងតែបណ្ដោយឲ្យក្មេងៗកំពុងពេញរពឹសចូលងូតទឹកក្នុងបន្ទប់ទឹកខ្លួនឯង ព្រោះពួកគេនឹងធ្វើរឿងគួរឲ្យហួសចិត្ត ឬគ្រោះថ្នាក់ផ្សេងៗបើអាណាព្យាបាលមិនបានណែនាំ៕